15-21 KA JANEIRO
JOBA 36-37
Lisimu 147 ni mukhongelo | Magezu yo vhulula mutlhangano (1 min.)
1. Hikuyini u nga tsumbako a citsumbiso ca Nungungulu ca wutomi ga pindzukelwa?
(10 min.)
Jehovha wutsumbu i hanya kala kupindzuka (Joba 36:26; Murindzeli 01/10/15 paj. 13 par. 1-2)
Jehovha i na ni wutlhari ni ntamu wa ku hlayisa a wutomi (Joba 36:27, 28; Murindzeli 05.20 paj. 22 par. 6)
Jehovha wa hi gondzisa lezvi hi nga mahako kasi hi kuma a wutomi ga pindzukelwa (Joba 36:4, 22; Joh. 17:3)
A kukholwa ko tiya ka citsumbiso ca Nungungulu ca wutomi ga pindzukelwa ka hi vhuna a ku yimisana ni zvikarato zva wutomi. — Mah. 6:19; Murindzeli 10.22 paj. 28 par. 16.
2. Titshomba ta moya
(10 min.)
Joba 37:20 — A mahungu ma wa tala ku tivisisiwa kuyini ka matiko lawa ma kumbukiwako lomu ka Bhibhiliya? (Perspicaz vhol. 1 paj. 522)
Titshomba muni ta moya u tsakelako ku hi byela u ti kumileko ka zvipimo lezvi hi nga nyikilwe ku lera a vhiki legi?
3. Ku lera Bhibhiliya
(4 min.) Joba 36:1-21 (Gondzisa khwatsi cig. 2)
4. Sangula mabhulo
(3 min.) WUKUSTUMUNYU GA LAHA KUBASENI. (Randza vanhu cig. 3, mhaka 3)
5. Hlakulela kutsakela kabye
(4 min.) HI MUTI NI MUTI. (Randza vanhu cig. 2, mhaka 5)
6. Tlhamusela lezvi u zvi kholwako
(5 min.) Kanelo. Ndzima ya saite ya wu 57 par. 5-15 — Hloko ya mhaka: Hikuyini a Vakustumunyu va Jehovha va nga xanisiwa a cikhati leci ku nga dawelwa a vaJudha vo tala hi vaNazi cikhatini ca Yimpi ya Wumbiri ya Misava? (Gondzisa khwatsi cig. 18)
Lisimu 49
7. Tshama na u longile a ku yimisana ni zviyimo zvi to lava ku u tiriwa mababyi kutani ku mahiwa operasawu
(15 min.) Cipandze ca mabhulo. Yi fanele ku vekiwa hi dhota.
A hlengeletano ya Jehovha yi hi nyikile a feramenta yi hi vhunako a ku ingisa a nayo wa Nungungulu xungetano hi nkhata. (Miti. 15:28, 29) Wa yi tirisa khwatsi a feramenta leyo?
Kartawu ga DPA ni Cartão de Identificação (ic): A makartawu lawa ma tlhamusela lezvi a mubabyi a zvi lavako xungetano hi kutirisiwa ka nkhata kasi ku tiriwa mababyi. A vahuweleli va bhabhatisilweko va nga kombela a kartawu ga DPA ka nandza ga mabhuku ni Cartão de Identificação kasi ku nyika vanana vabye va vatsongwani. Hi fanele ku fambafamba ni makartawu lawa contlhe cikhati. Loku u nga se prenxera, kutani loku u lava ku vhuxisa legi u nga nago, u nga zvi maheli mihoni, zvi mahe zvezvi.
Informação para Grávidas (S-401) ni Mahungu ya vababyi lava va lavako ku mahiwa operasawu kutani Quimioterapia (S-407): A maphepha lawa ma hi vhuna a ku tshama na hi ti longisele a ku tiriwa mababyi ni ku potsa a zviyimo zvi nga wa ta lava ku ku tirisiwa a nkhata. Kombela a madhota lezvaku ma ku nyika a kopiya yi yelanako ni ciyimo ca wena kani wova ni nyimba, kutani wo lava ku mahiwa operasawu kutani ku tiriwa a kankro.
Kometi ya ku Tirisana ni Zvipitali (CLH): A zviro zva Kometi ya ku Tirisana ni Zvipitali, madhota ma trenarilweko khwatsi ma longileko a ku nyika a vadhokodhela ni vahuweleli a mahungu ma wulawulako hi nkhata. Ma nga bhula ni dhokodhela loyi a ku khatalelako xungetano hi tindlela tin’wani ta ku u tiriwa a mababyi ya wena na u nga cheliwi nkhata. Loku zvi laveka, ma nga ku vhuna a ku kuma a dhokodhela a vhumelako a mawonela ya wena. Wona ma tshama ma longile ku hi vhuna contlhe cikhati. Tekela ku wulawula ni Kometi ya ku Tirisana ni Zvipitali neti va ku byela ku u ta bhaxara, ku mahiwa operasawu, kutani ku tiriwa mababyi yo kota kankro — hambu loku zvi wonekisa ku khwatsi zvi nga ta lava ku u cheliwa nkhata. Lezvo zvi patsa a vamakabye lava va nga ni tinyimba. Loku u lava civhuno, kombela a dhota kasi gi ku nyika a tindlela ta ku u wulawula ni Kometi ya ku Tirisana ni Zvipitali.
Bisa a VHIDHIO Tikometi ta ku tirisana ni zvipitali — Ti hi vhunisa kuyini? Gumesa u wutisa vaingiseli, uku:
A Tikometi ta ku tirisana ni zvipitali ti nga ku vhunisa kuyini loku u lava ku tiriwa mababyi kutani ku mahiwa operasawu?