19-25 KA FEVEREIRO
TISIMU 8-10
Lisimu 2 ni mukhongelo | Magezu yo vhulula mutlhangano (1 min.)
1. ‘Ndzi ta ku dhumisa Jehovha’!
(10 min.)
Jehovha i maha zvilo zva zvinene nguvhu ka hina (Lis. 8:3-6; Murindzeli 08.21 paj. 3 par. 6)
Ha tsaka hi ku dhumisa Jehovha hi ku byela van’wani xungetano hi mitiro yakwe yo hlamalisa (Lis. 9:1; Murindzeli 05.20 paj. 23 par. 10)
Ha mu dhumisa kambe hi ku yimbelela tisimu ta ku mu dhumisa hi mbilu yontlhe (Lis. 9:2; Murindzeli 04.22 paj. 7 par. 13)
TI WUTISE LEZVI: ‘Hi tihi tindlela tin’wani ndzi nga mu dhumisako hi tona Jehovha?’
2. Titshomba ta moya
(10 min.)
Lis. 8:3 — A mutsali wa tisimu i wa lava ku wula yini a cikhati leci a nga wulawula hi titiho ta Nungungulu? (Perspicaz vhol. 1 paj. 665)
Titshomba muni ta moya u tsakelako ku hi byela u ti kumileko ka zvipimo lezvi hi nga nyikilwe ku lera a vhiki legi?
3. Ku lera Bhibhiliya
(4 min.) Lis. 10:1-18 (Gondzisa khwatsi cig. 11)
4. Sangula mabhulo
(3 min.) HI MUTI NI MUTI. A n’winyi wa muti i ku byela ku a nga kholwi ka Nungungulu. (Randza vanhu cig. 5, mhaka 4)
5. Hlakulela kutsakela kabye
(4 min.) WUKUSTUMUNYU GA CITSHUKETI. Ka khati gi nga hundza, a munhu loye i wulile ku a nga kholwi ka Nungungulu kanilezvi wa vhumela a ku kambisisa a zvikombiso zvi kombako lezvaku ku na ni Muvangi. (Gondzisa khwatsi cig. 7)
6. Kanelo
(5 min.) Murindzeli 06.21 paj. 6-7 par. 15-18 — Hloko ya mhaka: Vhuna a zvigondzani zva wena lezvaku zvi dhumisa Jehovha. (Gondzisa khwatsi cig. 10)
Lisimu 10
7. U nga nyikisa kuyini a wukustumunyu ga citshuketi na u tlhatlhekile?
(10 min.) Cipandze ca mabhulo.
A yin’wani ndlela ya ku engetela lezvi hi mu dhumisisako zvona Jehovha ku va nyika wukustumunyu lava hi kumanako navo ka mitiro ya hina ya siku ni siku. (Lis. 35:28) Loku ha ha sangula zvi nga hi chavisanyana ku nyika wukustumunyu ga citshuketi. Hambulezvo, loku hi gondza a ndlela ya ku sangula ni ku simama ni mabhulo na hi tlhatlhekile, zvi ta engetela wutlhari ga hina ga ku nyika wukustumunyu ga citshuketi zvi tlhela zvi hi tsakisa!
Bisa VHIDHIO Tshama na u longile ku bhulela van’wani a “mahungu ya ma nene ya kurula” — Ranga hi wena u sangula mabhulo. Gumesa u wutisa vaingiseli, uku:
Zvini u nga gondza ka vhidhio leyi zvi nga ku vhunako a ku nyika wukustumunyu ga citshuketi hi ndlela ya yinene?
Lawa ma landzelako mawonela ma tsongwani ma nga ku vhunako ku sangula mabhulo:
Khati ni khati u sukako laha kaya lavetela tindlela ta ku sangula mabhulo. Khongela hi zvona niku kombela Jehovha lezvaku a ku kongomisa ka vanhu va tsakelako
Kombisa wunghana u tlhela u khatala hi vanhu lava u kumanako navo. Zama ku pola nchumu wo kari hi munhu loye wu nga ku vhunako a ku tiva ku i mhaka muni ya Bhibhiliya yi nga mu tsakisako
Loku zvi ringana, nyikanani a mahungu ya lezvi mu nga kumanisako zvona, yo kota numero ya foni
U nga karateki loku a mabhulo ma gumesa na u nga se nyika wukustumunyu
Ehleketa hi munhu loye andzhako ka mabhulo ya n’wina. Simama ku kombisa kukhatala hi munhu loye hi ku mu rumelela link ya vhesi ga Bhibhiliya kutani ndzima yi nga ka saite jw.org
Zama ku maha lezvi: Loku a wokari a ku wutisa ku, ‘a kumbhela ka vhiki ku fambisile kuyini?’, mu byele zvokari u gondzileko mutlhanganweni kutani hi ntiro u mahako kota mugondzisi wa Bhibhiliya.
8. Zvilaveko zva bandla
(5 min.)