29 KA JULHO–4 KA AGOSTO

• Lis. 69:30, 31 — A vhesi legi gi hi vhunisa kuyini ku chukwatisa a mikhongelo ya hina? (Sentinela 15/01/99 paj. 18 par. 11)

  Hlamulo wa wena

• I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?

  Hlamulo wa wena

(8 min.) Mabhulo ma seketelwako ka cigondzo 8 ca broxura Randza vanhu mhaka 3-5 ni laha ka ku “Wona kambe”.

Hi Janeiro wa 2009, a Cigondzo ca Bhuku ca Bandla ci no patsiwa ni Cikola ca Wutireli ga Nungungulu ni Mutlhangano wa ntiro zviva mutlhangano wun’we wa laha cikari ka vhiki. Lezvo zvi vhulile ndlela ya ku a mingango yiva ni programa ya ku maha wukhozeli ga ngango vhiki ni vhiki. A kutala ka vamakabye va gi bonga nguvhu a lulamiselo legi gi mahelweko ku va vhuna a ku va tshinela nguvhu ka Jehovha ni ka mun’we ni mun’wani wabye laha ngangweni. — Deut. 6:6, 7.

Matshinya muni ya wukhozeli ga ngango ma nga vhunako a tihloko ta mingango lezvaku ti maha ku a wukhozeli ga ngango gi tsakisa?

• Maha a wukhozeli ga ngango hi kukhandzakanya. Loku zvi koteka, vekani cikhati ca ku maha hi cona a wukhozeli ga ngango vhiki ni vhiki. Tshamani na mu vekile siku gin’wani ga ku maha hi gona a wukhozeli ga ngango loku a siku legi mu mahako hi gona zvi nga koteki

• Longisela a wukhozeli ga ngango. Bhula ni sati wa wena, niku ka zvikhati zvin’wani wutisa mawonela ka vana va wena. A zvi lavi ku u longisela zvotala, nguvhunguvhu loku a zvilo lezvi mu hlawulako ku zvi maha ka wukhozeli ga ngango ku hi ku a ngango wa wena wa zvi maha vhiki ni vhiki

• Zwananisa programa ya wukhozeli ga ngango ni ngango wa wena. Laha a vanana va yako va kula, a zvilaveko zvabye ni wutlhari gabye zva cica. A programa ya n’wina ya wukhozeli ga ngango yi fanele a ku vhuna a mun’we ni mun’wani a ku kula hi tlhelo ga moya

• Kombisa lirandzo u tlhela u maha lezvaku kuva cikhati co tsakisa. Ka zvikhati zvin’wani, loku a tinguva ti vhumela mu nga gondza lahandle. Mu ngata mu nyima mu hlakana loku zvi laveka. Loku ku hi ni zvokari zvi lavako ku lulamisiwa laha ngangweni, u nga londzowoti a cikhati ca wukhozeli ga ngango kasi ku zvi lulamisa

• Gondzani hi zvilo zvo hambanahambana. Hi cikombiso, a wukhozeli ga n’wina ga ngango gi nga patsa a ku longisela cipandze co kari ca mutlhangano, ku sixtira ni ku bhula hi vhidhio yo kari ya lomu ka jw.org ni ku longisela a ntiro wa kuchumayela. Hambu lezvi a mabhulo ma nga wona cipandze ca lisima ca Wukhozeli ga Ngango, mu nga tlhela mu tirisa a cikhati leco kasi a mun’we ni mun’wani a maha a cigondzo cakwe wutsumbu

Bhulani hi ciwutiso leci:

• U ma tirisisa kuyini a matshinya lawa ka wukhozeli ga n’wina nga ngango?

  Hlamulo wa wena