7-13 KA OUTUBRO
TISIMU 92-95
Lisimu 84 ni mukhongelo | Magezu yo vhulula mutlhangano (1 min.)
1. A ku tirela Jehovha hi gona wutomi ga ginene!
(10 min.)
Jehovha wa ringanelwa hi ku mu khozela (Lis. 92:1, 4; Murindzeli 04.18 paj. 28 par. 5)
Jehovha i va nyika wutlhari ga hombe a vanhu vakwe (Lis. 92:5; Murindzeli 11.18 paj. 23 par. 8)
Wa va nyika lisima lava va mu tirelako hambu wukhosaneni gabye (Lis. 92:12-15; Murindzeli 01.20 paj. 19 par. 18)
TI WUTISE LEZVI: ‘Zvini zvi ndzi vhalelako ku ti nyikela ka Jehovha ni ku bhabhatisiwa?’
2. Titshomba ta moya
(10 min.)
Lis. 92:5 — A magezu lawa ma gi tlhamuselisa kuyini a wutlhari ga Jehovha? (Achegue-se paj. 176 par. 18)
I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?
3. Ku lera Bhibhiliya
(4 min.) Lis. 94:1-23 (Gondzisa khwatsi, cig. 5)
4. Ku sangula mabhulo
(4 min.) WUKUSTUMUNYU GA CITSHUKETI. Ka mabhulo ya n’wina, lava ndlela ya ku mu byela ku u mugondzisi wa Bhibhiliya. (Randza vanhu cig. 5 mhaka ya wu 3)
5. Ku hlakulela kutsakela
(3 min.) WUKUSTUMUNYU GA CITSHUKETI. Ramba munhu a alileko ku fambiselwa cigondzo ca Bhibhiliya cikhatini ci nga hundza lezvaku u gondza naye Bhibhiliya. (Randza vanhu cig. 8 mhaka ya wu 4)
6. Maha vapizani
(5 min.) Bhula ni cigondzani ca wena ca Bhibhiliya ci kalako ci nga kuli hi tlhelo ga moya. (Randza vanhu cig. 12 mhaka ya wu 5)
Lisimu 5
7. Loku a vaswa va tshikelelwa hi kukarateka
(15 min.) Mabhulo.
Lava va tirelako Jehovha vonawu va tshuka va karateka. Hi cikombiso, Dhavhidha i karatekile makhati yo tala wutomini gakwe. Ni nyamutlha, a vamakabye vo tala vonawu va karateka. (Lis. 13:2; 139:23) A ya hava hi ku hambu vaswa vonawu va karateka. Ka zvikhati zvo kari, a kukarateka ku nga maha ku a mitiro ya siku ni siku, yo kota kuya cikoleni kutani mitlhanganweni ya bandla, yi mahisa ku khwatsi i ndzhwalo wa hombe. Lezvo zvi nga maha ku a munhu a tshamela kuva ni kuchava ka hombe ka citshuketi kutani kuva ni maalakanyo ya ku ti daya.
Vaswa, loku mu tshuka mu karateka ku hundza mpimo, bhulani ni vapswali va n’wina kutani munhu mun’wani a buvhileko. A cin’wani kambe, mu nga rivali ku kombela Jehovha lezvaku a mu vhuna. (Filp. 4:6) Jehovha i ta mu vhuna. (Lis. 94:17-19; Isa. 41:10) Wona cikombiso ca Steing.
Bisa VHIDHIO Jehovha i ndzi khatalele. Hi kulandzela u maha zviwutiso lezvi:
• I vhesi muni ga Bhibhiliya gi vhunileko Steing, niku hikuyini?
• Jehovha i mu khatalelisile kuyini?
Vapswali, vhunani vana van’wani a ku lwisana ni kukarateka hi ku va ingisela hi lihlazva-mbilu, hi ku va kombisa lirandzo ni ku va vhuna a ku tiyisa a kutsumba kabye ka ku Jehovha wa va randza. (Tit. 2:4; Jak. 1:19) Tsumbani Jehovha kasi a mu chavelela ni ku mu nyika ntamu mu wu lavako kasi ku vhuna vana va n’wina.
Hi nga kala hi nga zvi tivi lezvaku a wokari lomu bandleni wa lwisana ni kukarateka kutani hi nga kala hi nga zvi zwisisi lezvi a ti zwisako zvona. Hambulezvo, hi nga va vhuna hi ku maha ku vontlhe lomu bandleni va tizwa na va randziwa ni ku amukeleka. — Mav. 12:25; Mah. 10:24.