28 KA OUTUBRO–3 KA NOVEMBRO

TITSHOMBA TI NGA KA MHAKA YA NUNGUNGULU

1. “Wa alakanya lezvaku hina hi ntshuri”

(10 min.)

A tipswalo ta Jehovha ti mu kuca lezvaku ava ni kuringanisela (Lis. 103:8; Murindzeli 07.23 paj. 21 par. 5)

Jehovha a nga hi tsukuli loku hi maha zvihoxo (Lis. 103:9, 10; Murindzeli 09.23 paj. 6-7 par. 16-18)

Jehovha a nga rindzeli zvo hundza lezvi hi zvi kotako ku maha (Lis. 103:14; Murindzeli 05.23 paj. 26 par. 2)

I nuna a ingiselako khwatsi a cikhati leci a sati wakwe a ti phofulako.

TI WUTISE LEZVI: ‘A sati wa mina kutani nuna wa mina ndzi mu khoma hi ndlela yi kombako lezvaku ndza pimanyisa a kuringanisela ka Jehovha?’

2. Titshomba ta moya

(10 min.)

Lis. 104:24 — A vhesi legi gi ndzi gondzisa yini hi ntamu wa Jehovha wa ku vanga zvilo? (Achegue-se paj. 55 par. 18)

Hlamulo wa wena
I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?

Hlamulo wa wena

3. Ku lera Bhibhiliya

(4 min.) Lis. 104:1-24 (Gondzisa khwatsi, cig. 11)

TI TSITSIRITE NTIRWENI WA KUCHUMAYELA

4. Ku sangula mabhulo

(3 min.) WUKUSTUMUNYU GA LAHA KUBASENI. (Randza vanhu cig. 3 mhaka ya wu 4)

5. Ku hlakulela kutsakela

(4 min.) HI MUTI NI MUTI. Bhula ni wokari a tsakeleko ku gondza Bhibhiliya hi vhidhio Hoyahoya ka cigondzo ca wena ca Bhibhiliya. (Gondzisa khwatsi, cig. 9)

6. Kanelo

(5 min.) Randza vanhu Apendise A mhaka ya wu 6 — Hloko ya mhaka: A nuna “i fanele ku randza a sati wakwe a ku fana ni lezvi a ti randzisako zvona”. (Gondzisa khwatsi, cig. 1)

MAHANYELA YA WUKRISTU

7. Wa ku tiva a kugumelwa ka wena?

(15 min.) Mabhulo.

A ku mahela Jehovha zvontlhe zvi nga ntan’wini wa hina zvi mu maha ku a tsaka zvi tlhela zvi hi nyika litsako hinawu. (Lis. 73:28) Hambulezvo, a ku zama ku maha zvontlhe zvi nga ntan’wini wa hina na hi nga cheli kota hi kugumelwa ka hina zvi nga maha ku hi karateka kutani kukhunguvanyeka na ku nga hi na cigelo.

Muswa loyi a kombisiwako ka vhidhio “Loku hi hi ni kuringanisela, hi nga maha zvo tala”.

Bisa VHIDHIO Loku hi hi ni kuringanisela, hi nga maha zvo tala. Hi kulandzela u maha zviwutiso lezvi:

Zvini lezvi Jehovha a zvi rindzelako ka hina? (Mika 6:8)

Hlamulo wa wena

Mufota wa lomu ka vhidhio “Loku hi hi ni kuringanisela, hi nga maha zvo tala”. A muswa loyi ni munghana wakwe va tiyisa cigondzani ca Bhibhiliya na vanwa kafe.

Zvini zvi vhunileko a muswa loyi lezvaku a nga karateki nguvhu xungetano hi ku tatisa mixuvo yakwe?

Hlamulo wa wena

HI NGA KU TIVISA KUYINI A KUGUMELWA KA HINA?

U nga ti fananisi ni van’wani. (Gal. 6:4) U nga tsiki lezvi a van’wani va mahako zvi khumba lezvi u zvi alakanyako ni lezvi u zvi mahako. U nga maha zvitsongwani kutani zvotala a ku hundza mun’wani munhu wa tanga ya wena kutani a nga ka ciyimo co fana ni leci ca wena
U nga tsiki kuchava ku ku vhalela ku maha zvilo zviswa. (Rom. 12:1; 1 Kor. 7:31) U nga chavi ku maha ntiro lowu kusanguleni wu nga wonekisako ku khwatsi wa karata kutani u alakanyako lezvaku wu nga ta ku tsakisa. — Mala. 3:10
Pima kugumelwa ka wena hi ku ti vekela mixuvo ya yitsongwani. Hi cikombiso, xana u nga zvi kota ku teka wuphayona ga cikhati contlhe? Zvi ngo yini ku u engetela a cikhati leci u ci mbhetako ntirweni wa kuchumayela kutani kuva phayona go vhunetela hi tihweti to kari? U nga ringisa kuva phayona hi lembe gin’we? Hambu loku u chikelela magumo ya lezvaku a wu nge zvi koti kuva phayona ga cikhati contlhe kutani kuva phayona hi lembe gin’we ni ku hundza, u nga ta ti laya hi lezvi u zvi kotileko ku tatisa mixuvo yitsongwani leyi u nga ti vekele. — Mutsh. 6:9
Ti yimisele ku ti zwananisa ni zviyimo. A zviyimo zva hina zva cica, hikwalaho lezvi hi nga zvi kota kutani ku zvi tsandzeka ku maha zvonawu zva cica. Makunu hlola a mixuvo ya wena hi kukhandzakanya

8. Cigondzo ca Bhibhiliya ca bandla

(30 min.) Murindzeli 04.21 ndzima n.° 17 par. 13-18 ni zviwutiso zva kuvhuxeta