20-26 KA JANEIRO
TISIMU 138-139
Lisimu 93 ni mukhongelo | Magezu yo vhulula mutlhangano (1 min.)
1. U nga tsiki kuchava ku ku tlhelisela ndzhako
(10 min.)
Hi lava ku dhumisa Jehovha hi timbilu ta hina tontlhe (Lis. 138:1)
Loku u chava ku hlamula mutlhanganweni, tsumba lezvaku Jehovha i ta ku vhuna (Lis. 138:3)
A kuchava ci ngava cikombiso ci nene (Lis. 138:6; Murindzeli 01.19 paj. 10 par. 10)
MAWONELA: A ku komisa mihlamulo zvi nga ku vhuna ku u hungula kuchava. — Murindzeli 04.23 paj. 21 par. 7.
2. Titshomba ta moya
(10 min.)
Lis. 139:21, 22 — Xana zvi lava ku a maKristu ma tsetselela vanhu vontlhe? (Perspicaz vhol. 2 paj. 630 par. 5)
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?
3. Kulera ka Bhibhiliya
(4 min.) Lis. 139:1-18 (Gondzisa khwatsi, cig. 2)
4. Ku sangula mabhulo
(3 min.) WUKUSTUMUNYU GA LAHA KUBASENI. (Randza vanhu, cig. 2 mhaka ya wu 3)
5. Ku maha vapizani
(4 min.) WUKUSTUMUNYU GA LAHA KUBASENI. Mu byele lezvaku ha fambisa zvigondzo zva Bhibhiliya u tlhela u maha mukombiso wa lezvi ci mahisiwako zvona. (Randza vanhu, cig. 10 mhaka ya wu 3)
6. Kanelo
(5 min.) A vaswa va wutisa, ndzima n.° 105 — Hloko ya mhaka: Ndzi nga hlulisa kuyini tingana? (Gondzisa khwatsi, cig. 16)
Lisimu 59
7. Zvi nga ku tsakisa kuchumayela hambu loku u hi ni tingana
(15 min.) Mabhulo.
Xana u ti wona u hi munhu wa tingana? U randza ku a van’wani ne va nga zvi poli ku u kona? Uzwa ni lomu ndzeni loku u alakanyela hi ku bhula ni van’wani? Ka zvikhati zvin’wani a kuva ni tingana zvi nga hi tsandzekisa ku maha zvilo lezvi hi nga fanele ku maha. Hambulezvo, a vanhu vo tala va lwisanako ni tingana va zvi kota ku chumayela van’wani va tlhela va tsakela ntiro wa kuchumayela. Zvini hi nga gondzako ka cikombiso cabye?
Bisa VHIDHIO Ndzi maha zvontlhe zvi nga ntan’wini wa mina hambu lezvi ndzi nga munhu wa tingana. Hi kulandzela u maha ciwutiso leci:
Makabye Laura i vhunekisile kuyini hi ku ingisa wusungukati ga kokwani wakwe ga ku “maha zvontlhe zvi nga ntan’wini wakwe ntirweni wa Jehovha”?
A Bhibhiliya gi komba lezvaku Mosi, na Jeremiya, na Timote kuzvilava va wa hi ni tingana. (Ekso. 3:11; 4:10; Jer. 1:6-8; 1 Tim. 4:12) Hambulezvo, va zvi kotile ku maha zvilo zvo tala ntirweni wa Jehovha hakuva Jehovha i wa hi zvin’we navo. (Ekso. 4:12; Jer. 20:11; 2 Tim. 1:6-8)
Lera Isaya 43:1, 2. Hi kulandzela u maha zviwutiso lezvi:
Citsumbiso muni leci Jehovha a mahelako vakhozeli vakwe?
Nyamutlha, Jehovha i va vhunisa kuyini lava va nga ni tingana lezvaku va tsakela ntiro wa kuchumayela?
Bisa VHIDHIO A kubhabhatiswa ku ku vhunisa kuyini ku uva munhu wo tsaka? — Cipandzana ca vhidhio. Hi kulandzela u maha zviwutiso lezvi:
A sati wa makabye Jackson i wu zwisa kuyini a ntamu wa Jehovha ni civhuno cakwe ntirweni wakwe wa kuchumayela?
A ntiro wa kuchumayela wu nga mu vhunisa kuyini munhu wa tingana?