22-28 KA DEZEMBRO

TITSHOMBA TI NGA KA MHAKA YA NUNGUNGULU

1. Zvini lezvi a Bhibhiliya gi wulako xungetano hi Mesiya loyi a nga wa tata?

(10 min.)

Mesiya i wa tava wa pswalo wa Jese, a humako hi ka Dhavhidha, a n’wana wa Jese (Isa. 11:1; Profecia de Isaías vhol. 1 paj. 159 par. 4-5)

Mesiya i wa tava ni moya wa Nungungulu a tlhela a chava Jehovha (Isa. 11:2, 3a; Profecia de Isaías vhol. 1 paj. 159 par. 6; paj. 160 par. 8)

Mesiya i wa tava mulamuli wo lulama ni wa wuxinji (Isa. 11:3b-5; Profecia de Isaías vhol. 1 paj. 160 par. 9; paj. 161 par. 11)

Hi Jesu a fumako kota Hosi le tilweni, i nawulutile canja gakwe hehla ka misava ya paradhise.

KASI KU EHLEKETA: Zvini zvi mahako Jesu a pala tihosi tontlhe?

2. Titshomba ta moya

(10 min.)

Isa. 11:10 — A ciphrofeto leci ci tatisekisa kuyini? (Profecia de Isaías vhol. 1 paj. 165-166 par. 16-18)

Hlamulo wa wena
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?

Hlamulo wa wena

3. Kulera ka Bhibhiliya

(4 min.) Isa. 11:1-12 (Gondzisa khwatsi, cig. 11)

TI TSITSIRITE NTIRWENI WA KUCHUMAYELA

4. Ku sangula mabhulo

(3 min.) HI MUTI NI MUTI. (Randza vanhu cig. 2 mhaka ya wu 5)

5. Ku hlakulela kutsakela

(4 min.) WUKUSTUMUNYU GA LAHA KUBASENI. Tirisa jw.org kasi ku hlamula ciwutiso u wutisilweko hi munhu loye. (Randza vanhu cig. 8 mhaka ya wu 3)

6. Ku maha vapizani

(5 min.) Vhuna a cigondzani ca wena lezvaku ci ti longisela a ku mu chumayela zvin’we hi muti ni muti. (Randza vanhu cig. 11 mhaka ya wu 4)

MAHANYELA YA WUKRISTU

7. U ‘lamula hi kululama’?

(15 min.) Mabhulo.

Vamakabye vambiri va nga kuchumayeleni, va chumayelako wanuna wo chavisa a nga ni matatuaji. A makabye loyi wa muswa i bisa a vhidhio “Hikuyini u faneleko ku gondza Bhibhiliya?” Laha ka paredhi ku woneka mufota wa banda ya mamuzka ya wu roki.

Siku ni siku ha lamula van’wani, ka zvikhati zvin’wani ne na hi nga rangangi hi ku ehleketa hi zvona. A kutala ka zvikhati, hi nga lamula van’wani hi kuya hi lezvi hi zvi wonako. Kanilezvi Jesu, a cikombiso ca hina, a nga lamulisi lezvo. (Isa. 11:3, 4) Jesu wa zvi kota ku wona timbilu ta vanhu ni ku tiva maalakanyo yabye, ni lezvi va zvi pimisako, ni lezvi zvi va kucako ku maha zvokari. Hina a hi zvi koti lezvo. Hambulezvo, hi nga maha zvontlhe hi zvi kotako kasi ku pimanyisa Jesu. Yena i te: “Tsikani ku lamula hi nghohe, kanilezvi lamulani hi kululama.” — Joh. 7:24.

A kuhiseka ka hina ni wutlhari ga hina ntirweni wa kuchumayela zvi nga fihlala loku hi lamula van’wani hi kuya hi lezvi hi zvi wonako. Hi cikombiso, a ku ha kanakana ku chumayela ka matshamu lawa a vanhu va kona va nga va lixaka lin’wani kutani va wukhongeli gin’wani? Ahati ke ka matshamu lawa ku nga ni vanhu vo ganya kutani va zvisiwana? Xana ha ti byela ku a wokari a nga ta tsakela hi kota ya lezvi hi mu wonisako zvona? A kurandza ka Nungungulu hi lezvaku “a vanhu va tixaka tontlhe va hanyiswa ni lezvaku vava ni wutivi ga lisine xungetano hi lisine”. — 1 Tim. 2:4.

Bisa VHIDHIO Lezvi hi gondzako ka A Murindzeli — U nga cuwuki lezvi a munhu a nga tshamisa zvona. Hi kulandzela u wutisa lezvi:

Cihlawulela muni ci kumbukilweko ka vhidhio?

Hlamulo wa wena
Loku hi hi ni cihlawulela lomu bandleni zvi nga gi khumbisa kuyini bandla?

Hlamulo wa wena
Zvini zvi vhunileko a vamakabye lava va mahilweko entrevhista a ku va potsa cihlawulela?

Hlamulo wa wena
Zvini u gondzileko wena ka ndzima leyo ya Murindzeli?

Hlamulo wa wena

8. Cigondzo ca Bhibhiliya ca bandla

(30 min.) Bhuku Ti buze hi wutomi cigondzo 34