19-25 KA JANEIRO

TITSHOMBA TI NGA KA MHAKA YA NUNGUNGULU

1. “Loyi hi yena Nungungulu wa hina”!

(10 min.)

Hi na ni zvigelo zvo zwala zva ku tizwa matshandza hi Nungungulu wa hina, Jehovha (Isa. 25:9; Achegue-se paj. 15 par. 21)

I tsumbisa ku hi nyika zvilo zvo tala zva zvinene misaveni yiswa, a ku patsa ni zvakuga zvo tala zva zvinene (Isa. 25:6; Murindzeli 12.24 paj. 6 par. 14)

I ta hi nyika wutomi ga pindzukelwa (Isa. 25:7, 8; Murindzeli 01.25 paj. 28-29 par. 11-12)

Makabye a khosaheleko a nga laha ka cikarinyana ca marodha a chumayelako loyi a mu khatalelako.

TI WUTISE LEZVI: ‘Ka mitiro ya mina ya siku ni siku ka vhiki legi, himani wa ku ndzi nga bhula naye hi zvitsumbiso zva Jehovha?’

2. Titshomba ta moya

(10 min.)

Isa. 24:2 — A vhesi legi gi gi khanyisisa kuyini a tshamela ga Wuhundzuluseli ga Misava Yiswa gi chukwatisilweko? (Murindzeli 15/12/15 paj. 15-17 par. 3-5)

Hlamulo wa wena
Hi tihi titshomba ta moya u ti kumileko ka kulera ka Bhibhiliya ka vhiki legi u tsakelako ku hi byela?

Hlamulo wa wena

3. Kulera ka Bhibhiliya

(4 min.) Isa. 25:1-9 (Gondzisa khwatsi, cig. 10)

TI TSITSIRITE NTIRWENI WA KUCHUMAYELA

4. Ku sangula mabhulo

(3 min.) WUKUSTUMUNYU GA LAHA KUBASENI. Zama ku pola ku zvini zvi to tsakisa a munhu loye. Mu bhulele hi saite ya hina ya jw.org. (Randza vanhu cig. 1 mhaka ya wu 3)

5. Ku hlakulela kutsakela

(4 min.) HI MUTI NI MUTI. Bhula ni munhu loye hi lisine li nga ka apendise A ka broxura Randza vanhu. (Randza vanhu cig. 9 mhaka ya wu 4)

6. Ku tlhamusela lezvi u zvi kholwako

(5 min.) Mukombiso. Zviwutiso zva Bhibhiliya zvi hlamulilweko ndzima n.° 160 — Hloko ya mhaka: Hikuyini Jesu a vitaniwako ku i N’wana wa Nungungulu? (Gondzisa khwatsi, cig. 3)

MAHANYELA YA WUKRISTU

7. Tsumba Jehovha hi kumbhelela a cikhati leci u ti longiselako ku tiriwa mababyi

(15 min.) Mabhulo.

Jehovha wa “hlayisa lava va [mu] tsumbako hi kumbhelela”. (Lera Isaya 26:3.) A cikhati leci hi ti longiselako ku tiriwa mababyi, hi nga komba lezvaku ha mu tsumba Jehovha hi kumbhelela hi ku tirisa a malulamiselo lawa a hi nyikako.

Mifota a lomu ka vhidhio “U longile a zviyimo zvi lavako ku khatalelwa hi vadhokodhela?” 1. Makabye a kambisisako hi ku tirisa Bhibhiliya ni cigondzo 39 ca bhuku “Ti buze hi wutomi!”. 2. Makabye a prenxerako dhokumento gi vhumelelako mun’wani ku a mu mahela zviboho zva matirelwa ya mababyi loku a nga ha ti tivi. 3. Makabye a tirako ka Kometi ya ku Tirisana ni Zvipitali a vhunako wokari hi foni. 4. Makabye a nyikelako madhokumento ka dhokodhela.

Bisa VHIDHIO U longile a zviyimo zvi lavako ku khatalelwa hi vadhokodhela? U gumesa u wutisa lezvi:

Zvilo muni zva zvinharu zvi nga hi vhunako a ku ti longisela ku tiriwa mababyi?

Hlamulo wa wena
A madhokumento ma yelanako ni ku tiriwa mababyia ma hi vhunisa kuyini?

Hlamulo wa wena
Hi rini zvi nga vako zvinene a ku kombela civhuno ka Kometi ya ku Tirisana ni Zvipitali?

Hlamulo wa wena
U ti zwisa kuyini hi lulamiselo legi ga lirandzo?

Hlamulo wa wena

A citsumbiso ca “kurula ko kala ku nga mbheli” ci nga ka Isaya 26:3 a ci wuli lezvaku Jehovha i ta hi vhikela ka mababyi. Hambulezvo, hi ku tirisa malulamiselo ya lirandzo ya hlengeletano yakwe, i hi vhuna ku hi tizwa na hi vhikelekile hi tlhela hi rula ka zvikhati lezvo.

8. Cigondzo ca Bhibhiliya ca bandla

(30 min.) Bhuku Ti buze hi wutomi cigondzo 37 mhaka 6 ni cipandze co gumesa

Magezu yo dayelela (3 min.) | Lisimu 53 ni mukhongelo

a Loku u tshuka u lava a Informação para Grávidas (S-401), ni Informações para pacientes que precisam de cirurgia ou quimioterapia (S-407), ni Informações para pais com filhos que precisam de tratamento médico (S-55) u nga kombela ka madhota.