Longisela mbilu ya wena

A cikhati leci hi gondzako Bhibhiliya, hi lava lezvaku a maalakanyo ya Jehovha ma khumba mbilu ya hina kutani munhu wa hina wa le ndzeni. Ezra i hi vekele cikombiso ci nene mhakeni leyi a cikhati leci a nga ‘longisela mbilu yakwe kasi ku hlota Nayo wa Jehovha’. (Ezra 7:10) Makunu, u nga yi longiselisa kuyini a mbilu ya wena?

Khongela. Khati ni khati u lavako ku gondza sangula hi mukhongelo. Kombela Jehovha lezvaku a ku vhuna ku zwisisa ni ku hanya hi lezvi u gondzako. — Lis. 119:18, 34.

Hlakulela kutikoramisa. Nungungulu i fihlile lisine ka lava va ti kukumukisako va tsumba wutivi gabye. (Luka 10:21) U nga kambisisi kasi ku hlamalisa van’wani. Ti koramise u cica maalakanyo ya wena loku ma nga yelani ni lawa ya Nungungulu.

Ingisela tisimu ta Mufumo. A tisimu ti na ni ntamu wa ku khumba mbilu ya hina, ti yi longisela kasi ku khozela. A ku ingisela tisimu ta Mufumo a cikhati leci u lavako ku sangula ku gondza zvi nga ku vhuna ku longisela mbilu ya wena.