Engetela ku tsumba a ntamu wa Jehovha wa ku ponisa

Lera Mitsengo 13:25–14:4 kasi ku wona lezvi a vaIzrayeli va nga kombisisa zvona ku va wa nga mu tsumbi Jehovha.

Hlola mongo. Hikuyini a vaIzrayeli va nga fanele ku tsumba ku Jehovha i na ni ntamu wa ku va ponisa a cikhati leci va nga kari va huma hi Gibhite? (Lis. 78:12-16, 43-53) Zvini zvi nga maha ku va nga ha mu tsumbi Jehovha? (Dhewu. 1:26-28) Joxuwa na Kalebhi va zvi kombisile kuyini ku va mu tsumba Jehovha? — Mitse. 14:6-9.

Gondza zvi eta. Zvini lezvi a vaIzrayeli va nga fanele ku maha kasi va engetela lezvi va nga mu tsumbisa zvona Jehovha? (Lis. 9:10; 22:4; 78:11) Kuyelana muni ku nga kona cikari ka ku tsumba Jehovha ni ku mu kombisa cichavo? — Mitse. 14:11.

Pola titshomba. Ti wutise lezvi:

• ‘Zviyimo muni zvi nga mahako ku zvi ndzi karatela ku tsumba Jehovha hi kumbhelela?’

• ‘Zvini ndzi nga mahako kasi ndzi engetela ku tsumba Jehovha zvezvi ni cikhatini ci tako?’

• ‘Kutsumba muni ndzi nga nako laha a kuxaniseka ka hombe ku yako ku tshinela?’ — Luka 21:25-28.