Zvi wone hi mahlo ya maalakanyo lezvi u lerako

A Bhibhiliya gi na ni matimu yo tala ma hi gondzisako zvilo zva lisima. A ku alakanyela lezvi zvi nga maheka ka matimu yo kari ku nga hi vhuna ku zvi zwisisa khwatsi lezvi hi lerako hi tlhela hi vhuneka nguvhu. Wona mawonela yo kari ma nga ku vhunako ku zvi wona hi mahlo ya maalakanyo lezvi u lerako.

• Lera hi gezu go zwala. A ku lera Bhibhiliya hi gezu go zwala ku nga maha ku zvi ku khwatsi wo zvi wona lezvi u lerako. A cikhati leci mu lerako Bhibhiliya kota ngango, mu nga maha lezvaku a matimu lawo ma hanya hi ku a mun’we ni mun’wani a lera cipandze ca munhu wo kari a kumbukiwako ka matimu lawo.

• Alakanyela lezvi zvi nga maheka. Zama ku alakanyela lezvi lava va kumbukiwako ka matimu lawo va nga kari va zvi pimisa ni ku ti zwisa zvona. Hi cikombiso, u nga ti wutisa lezvi: ‘Hikuyini a munhu loyi a nga wulawula kutani ku maha lezvi a nga maha? Loku ndzi wa hi ka ciyimo cakwe na ndzi pimisile yini kona na ndzi ti zwisile kuyini?’

• Dhezenyara. A ku dhezenyara matimu ya Bhibhiliya ku nga ku vhuna ku ma zwisisa khwatsi ni ku ma alakanya, hambu loku u nga dhezenyarangi zvi saseka.