Xana Nungungulu i ta ndzi vhuna loku ndzi khongela?

Hlamulo wa Bhibhiliya

Ina, Nungungulu wa va vhuna lava va kombelako hi timbilu tabye tontlhe a zvilo lezvi zvi yelanako ni kurandza kakwe. Hambu loku u nga se tshuka u khongela, a zvikombiso zva lomu ka Bhibhiliya zva vanhu va nga khongela, vaku: ‘O Nungungulu, ndzi vhune’, zvi nga ku tiyisa. Hi cikombiso:

• ‘Ndzi vhune, Jehovha, Nungungulu wa mina, ndzi ponise hi wuxinji ga wena.’ — Lisimu 109:26.

• “Ndzi cisiwana ni muvhumali; O Nungungulu, hatlisa u ta ndzi vhuna.” — Lisimu 70:5, Bíblia na Linguagem de Hoje.

Kunene a vatsali va magezu lawa va wa hi ni kukholwa ko tiya ka Nungungulu. Hambulezvo, Nungungulu i ingisela vontlhe lava va khongelako kakwe hi zvigelo zva zvinene vo kota “lava va tshovekileko timbilu” kutani ‘va moya wu pandzekileko’. — Lisimu 34:18.

U nga chavi u alakanya ku Nungungulu i kule nguvhu laha ka ku a nga cheli kota hi zvikarato zva wena. A Bhibhiliya gi ngalo: ‘Hambu lezvi Jehovha a tlakukileko, wa khatalela lava va koramileko; wa tiva a vamatshanza na va hi kule.” (Lisimu 138:6) Ka khati go kari, Jesu i byelile a vapizani vakwe, aku: A “misisi yontlhe ya tihloko ta n’wina yi hlayilwe.” (Matewu 10:30) Nungungulu i tiva zvotala hi wena zva ku ne wena n’winyi a wu zvi tivi. Handle ko kanakana lezvi a tivako lezvo, i ta ku ingisela loku u khongela kakwe u kombela lezvaku a ku vhuna a kulwa ni zvikarato zva wena! — 1 Pedro 5:7.