Xigonzo 13

Kuhlahluva Ni Wuloyi Zi Bihile

Satani i lava lezaku wena u hlahluva. Vanyingi va maha miphahlo ka vakoko kutani ka tinguluve kasi ku ti vikela ka zo biha. Vona va maha lezo hi ku chava mintamu ya tiko ga wunguluve. Va boha tiphera kutani masinza ya wungoma. Vanwa “mimiri” hambu ku yi tola lomu mirini hakuva va alakanya lezaku yona yi na ni mintamu ya wungoma. Vanwani va fihla lomu tindlwini tabye hambu ku kelela zilo lezi va alakanyako ku za zi kota ku vikela. Vanwani va tirisa “mimiri” ya wungoma hakuva va kholwa lezaku ha yona va humelela mabhinzwini, lomu ka zikambelo za xikola kutani kugangisaneni.

A wuvikeli ga chukwana ka Satani u nga nago hi kuva na Jehova kota munghana wa wena. Jehova Nungungulu ni tingelosi takwe va na ni ntamu nguvu ku hunza Satani ni madimoni yakwe. (Jakobe 2:19; Kuvululelwa 12:9) Jehova i navela ku komba ntamu wakwe kasi ku vuna vanghana vakwe — lava va tsumbekako kakwe hi kumbheleleko. — 2 Kronekele 16:9.

A Mhaka ya Nungungulu yi ngalo: ‘Mu nga hlahluvi.’ Jehova wa nyenya kuhlahluva ni wuloyi, hakuva zimaho lezo za zi kota ku enghenisa munhu hasi ka ntamu wa Satani, Diyabu. — Levi 19:26.