CIGONDZO 16

Wulawula timhaka ti akako ni to tiyisa

Joba 16:5

LEZVI U FANELEKO KU MAHA: Veka kupima ka lezvi zvi to lulamisa a zvikarato ni ku nyika ntamu. U nga veki kupima ka zvikarato zva kona.

Ti karatele kuva ni mawonela ma nene hi lava u bhulako navo. Tsumba lezvaku a makholwa-kuloni ma zvi lava ku tsakisa Jehovha. Hambu loku zvi lava ku u va nyika wusungukati lava u bhulako navo, ranga hi ku va dzundza hi mbilu yontlhe ni ka cihi ca ci nene va ci mahako.

Ku wave lirandzo li ku nyikako ntamu wa lezvi u wulako; ku ngavi zanga. N’wayitela hi ku va randza kasi va wona lezvaku u munhu a ringanako ku va ku tsumba.
U nga tati timhaka ta hava. Wulawula kutsongwani basi hi timhaka ta hava kasi ku tatisa kungo gi nene. A mahungu ya wena ni magezu lawa u ma wulako ma wa talele ka lezvi zva zvi nene.
Tirisa khwatsi a Bhibhiliya. Yisa kupima ka lezvi Jehovha a zvi mahileko, lezvi a zvi mahako, ni lezvi a to mahela vanhu cikhatini ci tako. Va nyike kutsumba lava u bhulako navo ni ku va tiyisa hlana.