CIGONDZO 18

Kanela hi ndlela yo gondzisa

1 Va Le Korinte 9:19-23

LEZVI U FANELEKO KU MAHA: Vhulula kupima ka lava u bhulako navo lezvaku va ehleketa hi lezvi va zvi zwako, u va siya na va zvizwa a ku va gondzile nchumu wa lisima.

U TA ZVI MAHISA KUYINI?

Ehleketa hi lezvi lava u bhulako navo va sinako va zvi tiva. Wutshan’wini ga ku phindelela lezvi va sinako va zvi zwile, va vhune ku wona a mhaka leyo hi mahlo ya maswa.

Hatlisanyana loku u wulawula hi timhaka leti va ti tivako, kanilezvi nonoka loku u wulawula hi zvilo zva zviswa.
Kambisisa u tlhela u ehleketa. Loku zvi koteka, patsa ni timhaka to kari ti kalako ti nga tiviwi nguvhu, kutani zvilo zva ha hiko ku maheka kasi ku dlunyatisa timhaka-tshinya. Ehleketa khwatsi hi mhaka ya wena ni kuyelana ka mhaka leyo ni zvilo lezvi u lavako ku zvi kumbuka.

Laha u hlolisisako a mahungu lawo, hlanganyeta a kupima ka wena hi ku ti wutisa lezvi: ‘Zvini? Hikuyini? Rini? Kwihi? Himani? Hi ndlela muni?’ Maha a gondzo ya wena yi hanya hi ku wutisa ni ku hlamula zvokari cikari ka zviwutiso lezvo a cikhati leci u kanelako.
Komba a lisima la mahungu ya wena. Tlhamusela lezvi a Mitsalo yi nga va vhunisako zvona lava u bhulako navo wutomini gabye ga siku ni siku. Wulawula hi zviyimo zvo kongoma, mahanyela, ni mitiro zvi zwananako ni lezvi lava u bhulako navo va hanyako ka zvona.