Lezi Hi Nga Zi Wulako Hi Marevista

A Sentinela ga 1 ka Dezembro

“Ka xikhati lexi xa lembe, a votala va veketela zifananiso zi yimelako a kubelekwa ka Jesu, lezi zi kombisako a timhaka leti ta Biblia. [Gonza Mateu 2:1, 11.] Xana wa ku wona a kuhambana ku nga kona xikari ka lezi a Biblia gi nge zi mahekile ni lezi zi talako ku mahiwa? [Rinzela hlamulo.] A nzima leyi yi wulawula hi lezi zi mahekileko hi lisine la kona.” Mu kombe a nzima yi nga ka phajina 31.

Despertai! ga Dezembro

“Nzi tsakela a ku tiva a mawonela ya wena xungetano hi lezi Jesu a nga zi wula laha. [Gonza Mateu 5:3.] Kota lezi ku nga ni wukhongeli go tala nguvu go hambanahambana, u alakanya lezaku yi na ni lisima a ndlela leyi hi hlawulako a ku tatisa hi yona a zilaveko za hina za moya? [Rinzela hlamulo.] A nzima leyi yi komba lezi a Biblia gi zi wulako xungetano hi matatisela ya lisine ya zilaveko za moya.” Mu kombe a nzima leyi yi sangulako ka phajina 12.

A Sentinela ga 1 ka Janeiro

“A wukhongeli gi na ni mawonela yo hambana xungetano hi byala. Hi mawonela ya wena, xana Nungungulu i zi wonisa kuyini hi kuva a munhu anwa byala? [Rinzela hlamulo.] Hambu lezi a Biblia gi wulako lezaku Jesu i tshukile a hunzula a mati ma maha vinya, gona gi tlhela gi wula lezi. [Gonza Mavingu 23:20a.] A revista legi gi komba a mawonela ma faneleko ya Biblia.”

Despertai! ga Janeiro

“Ka zikhati lezi za gujeguje, a vanhu vo tala va tizwa na va rerekile ni ku binzelwa hi mitiro. Xana u ti zwisa lezo? [Rinzela hlamulo.] Wona a wusungukati legi go zwala. [Gonza Mutshawuteli 4:6.] A revista legi gi komba a ndlela ya ku ringanisela a ntiro ni ngango zinwe ni kuhumula. Gona gi tlhela gi nyika mawonela ka lava va lavetelako ntiro.”