TITSHOMBA TI NGA KA MHAKA YA NUNGUNGULU | LUKA 8-9
Zvini zvi lavekako kasi ku landzela Jesu?
Kasi a murimisi wa tihomu a famba hi cikwele kutani ku nga tlukuluteli, zvi lava ku a nga hambukiswi kupima hi zvilo zvin’wani. Hi ndlela yo fana, a muKristu a nga faneli ku hambukiswa hi zvilo a zvi tsikileko tikweni. — Fil 3:13.
Loku hi kumana ni zvikarato, zva olova ku hi xuva ‘masiku ya kale,’ kuzvilava a cikhati hi nga kala hi nga se gondza lisine. Loku hi maha lezvo, ho hundzeleta ku wona litsako hi nga hi nalo kale hi tlhela hi zvi wonela hasi a zvikarato hi nga hi nazvo. Hi zvalezvo va nga maha a vaIzrayeli andzhako ka ku huma hi Gibhite. (Mitse 11:5, 6) Loku hi nga susi maalakanyo lawo, hi nga gumesa hi ku tlhela ka mahanyela ya hina ya kale. Makunu a hi chukwana a ku ehleketa hi makatekwa hi ti buzako hi wona zvezvi ni ku veka kupima ka litsako hi tova nalo hasi ka Mufumo wa Nungungulu? — 2 Kor 4:16-18.