Ndlela ya ku tirisa tivhidhio ta cigondzo ca Bhibhiliya

Hi na ni mune wa tivhidhio ta cigondzo ca Bhibhiliya kasi ku ti tirisa kuchumayeleni. Hi gihi a kungo ga vhidhio yin’we ni yin’wani?

• 

  Hikuyini u faneleko ku gondza Bhibhiliya? — Yo leha: Yi mahelwe ku vhuna vanhu, kani va wukhongeli muni, lezvaku va tsakela Bhibhiliya. Yi kuca vanhu a ku hlota lomu ka Bhibhiliya a mihlamulo ya zviwutiso zvo karata yi tlhela yi nyika mahungu yo olova ni ku zwisiseka ma kumekako lomu ka Bhibhiliya. Yi tlhamusela lezvi ci nga kombelisiwako zvona a cigondzo ca Bhibhiliya.

• 

  Hikuyini u faneleko ku gondza Bhibhiliya? — Yo koma: Ya fana ni leyi yo leha kanilezvi yi komile nguvhu a ku hundza leyi yin’wani. Yi nga vhuna nguvhu lomu ka zvipandze lezvi a vanhu va kona va kalako va nga hi na cikhati co tala ca ku bhula.

• 

  Xi mahisiwa kuyini a xigonzo xa Biblia?: Yi mahelwe ku vhuna vanhu lezvaku va tsakela a cigondzo ca hina ca Bhibhiliya ca mahala niku yi hlamula zviwutiso zvo kari zvo toloveleka xungetano hi cigondzo leco, a ku patsa ni lezvi ci nga kombelisiwako zvona.

• 

  Hoya-hoya ka cigondzo ca wena ca Bhibhiliya: Yi mahelwe ku yi kombiwa zvigondzani zva Bhibhiliya. Hambu lezvi a vhidhio leyi yi nga ka pajina 2 ya bhuku Ti buze hi wutomi kala kupindzuka! yi nga kombiwa cigondzani a cikhati leci va gondzako hi broxura Ti buze hi wutomi kala kupindzuka!. Yi nyika masemanyana ya lezvi zvi nga lomu ka bhuku yi tlhela yi tlhamusela lezvi a cigondzo ci to fambisa zvona.

Hambu lezvi a vhidhio yin’we ni yin’wani yi mahilweko hi kungo ga yona, tontlhe hi nga ti kombisa ka vanhu kutani ku va rumelela loku zvi ringana. A vahuweleli va kuciwa ku va ti tiva khwatsi a tivhidhio leti va tlhela va ti tirisa kuchumayeleni.