Gondza na u hi ni kupima ku nene

Laha hi ti longiselako ku gondza, hi nga ti wutisa ku: ‘Zvini ndzi lavako ku gondza?’ Hambulezvo, hi maha khwatsi hi ku ti wonela ku lezvi hi zvi rindzelako zvi hi vhalela a ku wona lezvi Jehovha a hi gondzisako. Hi nga vhululisa kuyini a kupima ka hina a cikhati leci hi gondzako?

Khongela u kombela wutlhari. Kombela Jehovha kasi a ku vhuna ku zwisisa lezvi yena a lavako ku u gondza zvezvi. (Jak. 1:5) U nga tsakisiwi basi hi lezvi u sinako u zvi tiva. — Mav. 3:5, 6.

Tsika a ntamu wa mhaka ya Nungungulu wu tira wutomini ga wena. “A mhaka ya Nungungulu ya hanya”. (Mah. 4:12) A “mhaka” ya Nungungulu yi hanyako, contlhe cikhati hi yi lerako yi nga hi khumba hi ndlela yo hambana. Kanilezvi yi nga maha lezvo ntsena loku hi hi ni kupima ku nene hi lezvi hi lerako.

Tsaka hi lezvi Jehovha a zvi tirisako kasi ku hi gondzisako. A zvakuga zva Jehovha zva moya zvi fana ni ‘mubuzo wa zvilo zvi nonileko’. (Isa. 25:6) Potsa ku tsika ku lera a tindzima leti u alakanyako lezvaku ti nga ta ku tsakisa. Loku u maha lezvo u nga ta vhuneka basi kanilezvi u ta tlhela u ti buza hi malulamiselo ya Nungungulu!