U nga yi alakanyisa kuyini Mitsalo?

Zva tshuka zvi ku karatela a ku alakanya mavhesi yo kari ya Bhibhiliya u ma randzako nguvhu? Kuzvilava mutsalo wu nga ku chavelelako, kutani wu nga ku vhunako ku hlula maalakanyo ya hava, kutani u lavako ku komba wokari. (Lis. 119:11, 111) Wona mawonela yo kari ma nga ku vhunako a ku alakanya mitsalo.

• Tirisa a maetiqueta ya lomu ka aplikativho JW Library^®. Maha etiqueta ya ku u tsala ku: “Mitsalo ndzi yi randzako” u gumesa u chetela ka cipandze leci a mavhesi wontlhe lawa u lavako ku ma alakanya.

• Tsala mavhesi lawo u ma veka laha ka ku u ma wona. Tsala laha ka phepha a mavhesi lawa u lavako ku ma alakanya u gumesa u ma veka laha ka ku u tshamela ku ma wona. A vokari va ma veka laha ku nga ni woni; a van’wani va ma veka laha ka livati la geleira. A van’wani va susa mufota wa mavhesi lawo va wu tirisa laha ka ecrã ya komputadhori wabye kutani ya fone.

• Tsala laha ka zviphephana a mavhesi lawa u lavako ku ma alakanya. Tsala vhesi lego ka tlhelo gin’we u gumesa u tsala magezu ya vhesi lego ka tlhelo legi gin’wani. Andzhako ka lezvo, zama ku alakanya hi hloko lezvi a vhesi lego gi wulako kutani ku zama ku alakanya a vhesi legi gi wulako a magezu lawo.