I nandzu wa Nungungulu lezvi hi xanisekako ke?

Hlamulo wa Bhibhiliya

A Bhibhiliya gi zvi veka kubaseni ku a hi nandzu wakwe! A kuxaniseka a hi zvona lezvi Jehovha Nungungulu a nga zvi xuvela vanhu. Kanilezvi, a patswa wo sangula wa vanhu wu no tsika ku ingisa wuhosi ga Nungungulu, wu hlawula ku ti mahela ha woce a milayo ya zvazvinene ni zvakubiha. Wu no fularela Nungungulu wu gumesa wu tshovela mihandzu ya kona.

Nyamutlha ha xaniseka hi kota ya lezvi va nga kala ku hlawula zvazvinene. Kanilezvi Nungungulu a hi yena a nga vanga kuxaniseka.

A Bhibhiliya gi ngalo: “Loku munhu a ringiwa, a nga faneli ku wula ku: ‘Ndzi ringiwa hi Nungungulu.’ Hakuva Nungungulu a nga ringiwi hi zvilo zvo biha, ne a nga ringi munhu.” (Jakobe 1:13) A kuxaniseka a ku hlawuli munhu — hambu lava va tsakelwako hi Nungungulu va xaniseka.