Xigonzo 12

Xini Xi Mahekako Kufeni?

A kufa ku hambana ni kuhanya. A kufa ku kota wurongo ga tshongotshongo. (Johani 11:11-14) A vafileko a va zi koti kuzwa, ku wona, ku wulawula hambu ku pima nchumu. (Mutshawuteli 9:5, 10) A wukhongeli ga mawunwa gi gonzisa lezaku a vafileko vaya tikweni ga mimoya kasi ku ya hanya ni vakoko vabye. Lezi a hi zona zi gonziswako hi Biblia.

Lava va fileko a va zi koti ku hi vuna, ge hambu ku hi onhela nchumu. I tolovelo a ku vanhu va maha timhamba ni miphahlo, lezi va kholwako lezaku zi ta xalalisa vafileko. Lezo a zi xalalisi Nungungulu, hakuva zi seketelwa ka ginwe ga mawunwa ya Satani. Hambu ni ku tsongwani a zi xalalisi vafileko, hakuva vona a va hanyi. Hina hi fanele ku nga chavi hambu ku khozela vafileko. Hi fanela ku khozela Nungungulu ntsena. — Mateu 4:10.

A vafileko va ta hanya luswa. Jehova i ta khindlimusa a vafileko kasi ku hanya Misaveni ya paradise. Xikhati lexo xa ha hi mahlweni. (Johani 5:28, 29; Mitiro 24:15) Nungungulu wa zi kota ku khindlimusa a vafileko kota lezi wena hakunene u zi kotako ku khindlimusa wo kari lomu wurongweni. — Marku 5:22, 23, 41, 42.

A maalakanyo ya ku hina a hifi wunwa gi hangalasilweko hi Satani, Diyabu. Satani ni madimoni yakwe va maha vanhu va alakanya lezaku a mimoya ya vafileko ya hanya niku yi vanga mababyi ni zinwani zikarato. Satani i kanganyisa vanhu, zinwani zikhati hi miloro ni ziwoniso. Jehova wa nyenya lava va lavako ku wulawula ni vafileko. — Deuteronome 18:10-12.