BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • ypq xiwutiso 7 pp. 21-23
  • Nzi kuyini loku a wokari a nzi kuca ku etlela naye?

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • Nzi kuyini loku a wokari a nzi kuca ku etlela naye?
  • Mihlamulo ya 10 wa ziwutiso zi mahiwako hi vaswa
Mihlamulo ya 10 wa ziwutiso zi mahiwako hi vaswa
ypq xiwutiso 7 pp. 21-23
Nhanyana a tiyako hlana a ala ku kucetelwa ku hlengela masango

XIWUTISO 7

Nzi kuyini loku a wokari a nzi kuca ku etlela naye?

HIKUYINI ZI NGA ZA LISIMA?

A xiboho u to xi maha mhakeni ya kuhlengela masango xi ta khumba wutomini ga wena gontlhe.

LOKU KU WA HI WENA, U WA TA MAHA YINI?

Ehleketa hi xiyimo lexi: Ko hunza tihweti timbiri basi Helena na a sangulile ku ranzana na Mika. Kanilezi, zi mahisa ku khwatsi hi loku a mu tiva hi kale. Xontlhe xikhati va rumelana timesaji. Zikhati zinwani va bhula nguvu va hlwela hi fone. Niku loku a munwe a sangula ku wulawula, loyi munwani i tekela ku zi tiva lezi a to wula hi kulanzela!

Ka tihweti ti nga hunza, lezi Mika na Helena va mahako, ku famba na va khomene mawoko ni ku pswopswananyana basi. Zezi, Mika i lava zo hunza lezo. Kanilezi, Helena a nga zi lavi. Hambulezo, a nga zi lavi ku luza Mika kambe, niku a nga ha woni jaha ginwani. Hi gona goce a gi wonako na gi mu ranza khwatsi. Helena i tlhela a ti byela lezi: ‘Phelasi mina na Mika ho ranzana futsi . . . ’

Loku ku wa hi wena Helena, na u hi wa hombe ku ringana ku gangisana ni wokari, u wa ta maha yini?

NYIMA U PIMISA!

Nguwo ya yi nene va basisako hi yona

A kuhlengela masango i nchumu wa lisima lowu Nungungulu a vumeletako lava va chadileko basi. Loku u zi maha na u nga se chada, wo chipisa xinyikiwo lexi. Zi fana ni ku teka nguwo yo saseka u nyikilweko hi wokari, u yi tirisa ku susa hi yona lithuri

Loku wo tlula hi lomu hehla ka sinya u zama ku puruma a ku fana ni xinyanyani, u wa ta tshovela kubava. Lezo zi fana ni loku u tshova milayo ya mahanyela, yo fana ni lowu wu nge: “Tsika wubhayi.” — 1 Va Le Tesalonika 4:3.

Mihanzu muni yo bava hi tshovelako hi ku nga ingisi a nayo lowu? A Biblia gi wula lezi: “Loyi a bhayako i onhisa a miri wakwe.” (1 Va Le Korinte 6:18) I onha miri wakwe hi ndlela muni?

A titlhari ti polile lezaku a kutala ka vaswa lava va hlengeleko masango khati ginwe kutani ku hunza, va tshovela mihanzu leyi yo bava:

  • KUKARATEKA. A kutala ka vaswa lava va hlengeleko masango na ga hi mixo va wula lezaku va gumesile va ti laya nguvu hi zona.

  • KU NGA HA TSUMBANI. Anzhako ka kuva va etlele zinwe, munwe ni munwani wabye i sangula ku karateka a ti wutisa lezi: ‘Ku ni munwani a tshukileko a etlela naye?’

  • KUSWIREKA. Hi lisine, a vanhanyana vo tala va tsakela munhu a nga wa ta va vikela, na ku nga hi munhu wa ku va xakela. Niku a kutala ka vafana va tala ku nga hafi hi nhanyana loyi a vumeleko ku kalavelwa a etlela navo.

  • A mhaka yo tiya hi leyi: Loku wo vumela ku hlengela masango na ga hi mixo, wo ti chipisa ha wece hi kuva u tsika nchumu wa lisima nguvu u nga nawo wu xakelwa — ku nga ku kala u nga se etlela ni wanuna kutani wasati! (Va Le Roma 1:24) A miri wa wena wa lisima nguvu — u nga vumeli ku wu chipisa!

Komba lezaku u munhu wo tiva, a nga ni ntamu wa ku “tsika wubhayi.” (1 Va Le Tesalonika 4:3) Loku u tshuka u chada hi kufamba ka xikhati, u ta hlengela masango makunu. U ta maha lezo na u xalele, na u nga chavi nchumu, u nga ti layi, ne u nga hi na kukarateka loku va tolovelako kuva nako lava va hlengelako masango na va nga se chada. — Mavingu 7:22, 23; 1 Va Le Korinte 7:3.

U ZI WONISA KUYINI?

  • A munhu a ku ranzako futsi i wa ta ku vangela zikarato mirini a tlhela a ku vangela kukarateka ke?

  • A munhu a khatalako hi wena futsi i wa ta ku maha u onha wuxaka ga wena na Nungungulu ke? — Maheberu 13:4.

YA VANHANYANA BASI:

Nhanyana a nge tse, a ehleketa

A kutala ka vafana va wula lezaku a va nge chadi ni munhu va etleleko naye. Hikuyini? Hakuva va xalala hi nhanyana a kalako a nga se etlela ni wanuna.

Lezo za ku hlamalisa zi tlhela zi ku kwatisa ke? Loku zi hi tano, tiva lezi: A mafilmi ni televizawu zi sasekisela a kuhlengela masango na ga hi mixo, zi ku kombisa kota nchumu wu nga hiko na khombo, zi tlhela zi mahisa ku khwatsi i ndlela yo kombisa lezaku a vaswa lavo va ranzana.

Kanilezi, u nga ti fayelisi! Lava va ku kucako ku u etlela navo vo lava ku ti tsakisa basi. — 1 Va Le Korinte 13:4, 5.

YA VAFANA BASI:

Jaha gi nge tse, gi ehleketa

Loku ku hi lezaku u kari u gangisana ni wokari, ti wutise lezi: ‘Hakunene nza xi ranza a xigango xa mina?’ Loku uku ‘ina,’ u nga zi kombisisa kuyini? Hi kuva ni ntamu wa ku ingisa milayo ya Nungungulu, uva ni wutlhari ga ku potsa kuva ka ziyimo zi nga wa ta mu veka xiringweni, ni ku ranza ku mu khatalela.

Loku u hi ni matshamela lawo, handle ko kanakana a nhanyana loyi u gangisanako naye i ta tizwa ku fana ni nhanyana wa muXulamite loyi a ngaku: “A muranziwa wa mina ngwa mina, na mina nzi wakwe.” (Xizimba xa Solomoni 2:16) Hi magezu matsongwani, i ta ku ranza zaku mayi-mamani!

WUSUNGUKATI

Loku a wo kari a ku kuca ku u etlela naye hi ku ku byela ku: “Loku u nzi ranza, vumela;” mu hlamuli hi kutiya uku: “Loku u wa nzi ranza, u wa nga ta nzi kombela lezo!”

Kasi ku tiva lezi u faneleko ku maha loku u hi ni jaha, wena na u hi nhanyana, a nayo wa wu nene wa ku wu lanzela hi lowu: Loku u nga lavi ku a vapswali va wena va zi wona, tekela ku zi tsika, u nga zi mahi futsi.

NZI LAVA KU MAHA LEZI

  • U ta kuyini loku a wokari aku i lava ku etlela na wena?

  • Ziyimo muni zi nga wa ta ku karatela ku ala?

  • U ta potsisa kuyini a kuva ka ziyimo lezo?

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela