BHIBLIOTEKA YA SAITE ya Watchtower

Wa nyika lisima a wutomi a ku fana na Nungungulu?

‘Tshamani liranzweni la Nungungulu’
- 5, 6. Xana a Nayo wa Mosi wu kombisile kuyini lezaku a nkhata wu basile niku ngwa lisima? (Wona kambe a kwadru “Kombisa xichawo ka wutomi ga zihari.”)
  
  ⁵ A lisine leli li nga ka matshinya lawa ya mambiri li kombisilwe Nayweni wa Mosi. Levi 17:10, 11 i ngalo: “Kani hi wihi munhu . . . a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Hakuva a muhefemulo wa nyama wu lomu nkhateni. Hikwalaho nzi mu nyikile wona a ku maha ha wona a nzhiho wa mihefemulo ya nwina laha alatini, hakuva hi wona nkhata wu mahako nzhiho hi kota ya muhefemulo wu nga ka wona.”a — Wona a kwadru “A nkhata wu na ni ntamu wa kuva nzhiho.”
  
  A NKHATA WU NA NI NTAMU WA KUVA NZHIHO
  
  Mhakeni ya Nungungulu, a nkhata wu ringana ni wutomi. Hikwalaho, wutshanwini ga ku koniwa hi kota ya ku hambunyeta milayo ya Jehova, a muonhi loyi a nga ti sola le Israeli wa kale i wa fanele ku nyikela muphahlo hi xihari laha alatini ga Nungungulu. (Levi 4:27-31) A muphahlo lowo wu wa hi nzhiho wa zionho zakwe, kanilezi wa xikhatanyana ntsena.
  
  Maringano ni lezi gi tirisiswako zona lomu ka Biblia, a gezu “nzhiho” gi nyika maalakanyo ya “kucicisa” kutani “kufenengeta,” a ku khwatsi xifenengeto xi ringanako khwatsi, lexi xi nga wa ta fenengeta hi kufaneleko a phanga go kari. Hakunene, a ku na xihari ni xinwe xi nga wa ta “fenengeta” hi kumbhelela kutani kuva nzhiho wa zionho za munhu. Hambulezo, a miphahlo ya zihari, yi wa hi nzhuti wa muphahlo wo mbhelela wa kutirula lowu wu nga hata. — Maheberu 10:1, 4.
  
  A nzhiho lowo wu kumekisilwe “hi kunyikelwa ka miri wa Jesu Kristu kanwe ku mbhela.” (Maheberu 10:10) A wutomi ga Kristu go mbhelela kota munhu wa nyama, gi nga yimelwa hi ‘nkhata wakwe wa lisima, wo kota wa yivana yi nga hiko na khwanga ni bawa,’ wu wa ringana khwatsi ni wutomi legi Adamu a gi luzileko. (1 Pedro 1:19) Hikwalaho, hi ndlela yo saseka nguvu ni ya liranzo, ku lo tatiswa kululama zonake hi kuma a “kutirulwa ka pinzukelwa.” — Maheberu 9:11, 12; Johani 3:16; Kuvululelwa 7:14.

Wa nyika lisima a wutomi a ku fana na Nungungulu?

‘Tshamani liranzweni la Nungungulu’
- a Xungetano hi magezu ya Nungungulu yaku: “A muhefemulo wa nyama wu lomu nkhateni,” a revista Scientific American gi ngalo: “Hambu lezi zi nga lisine lezaku a nkhata wu nga woniwa kota mufananiso wu yimelako wutomi, a magezu lawo hakunene ma wula lisine: a selula ginwe ni ginwani ga nkhata ga laveka kasi kuva ni wutomi.”