9. A kutiyimisela ka Hana a kuya Xilo hambu lezi a nga zi tiva lezi a katakulobye a nga wa ta maha, ku hi gonzisa yini?

⁹ Na ga ha hi mixo nguvu, laha mutini vontlhe va wa sina va khomekile nguvu. Vontlhe va wa ti longisela ku enza, a ku patsa ni vanana. Kasi va chikela Xilo, a ngango wontlhe wu wa ta famba tikilometro to hunza 30 zitsungeni za Efraime.b Kasi ku chikela seyo va wa ta famba siku gontlhe kutani masiku mambiri hi milenge. Hana i wa zi tiva lezi a katakulobye a nga wa ta maha. Hambulezo, a nga salangi kaya. Hikwalaho, i lo veka xikombiso xi nene ka vakhozeli va Nungungulu va masikwini ya hina. A hi wutlhari a ku tsika a mahanyela ya hava ya vanwani ma colopetela a wukhozeli ga hina ka Nungungulu. Loku hi ma vumelela ma hi colopetela, hi ta luza a makatekwa lawa hi ma lavako kasi hi timisela a ziyimo zo binza.