15, 16. a) Hana i khumbisilwe kuyini hi lezi a nga chulula mbilu yakwe ka Jehova a tlhela a mu khozela tabernekelini? b) Hi nga xi lanzelisa kuyini a xikombiso xa Hana loku hiva ni kutizwa ka hava?

¹⁵ Hana i khumbisilwe kuyini hi lezi a nga chulula mbilu yakwe ka Jehova a tlhela a mu khozela tabernakelini? A tlhatlhambutelo wu ngalo: “I lo khoma ndlela yakwe a ti fambela, a yaga, a nghohe yakwe yi nga ha tsanwi.” (1 Sam. 1:18) A wuhunzuluseli ginwani ga Biblia (Jerusalem Bible) gi ngalo: “A nghohe yakwe yi wa nga ha tsuvangi.” Makunu Hana i wa pepile moyeni. Hi ndlela yo kari i wa rulile a nzhwalo wakwe wo binza a wu rwexa munwani munhu wa ntamu nguvu ku hunza yena, ku nga Dadani wakwe wa le tilweni. (Gonza Tisimu 55:22.) Xana ku na ni xikarato xo binza nguvu laha ka kuza Jehova a nga zi koti ku xi rwala? Ne ni kutsongwani — a xi seva kona, a xi kona, niku xi nga ta tshuka xiva kona!

¹⁶ Loku hi binziwa hi nzhwalo wo kari, hi maha khwatsi hi ku lanzela xikombiso xa Hana hi ku wulawula na hi tlhatlhekile ni Loyi a Biblia gi mu vitanako ‘Muzwi wa mikhongelo.’ (Tis. 65:2) Loku hi maha lezo na hi hi ni kukholwa, a kukarateka ka hina ku ta valetwa hi “kurula ka Nungungulu, loku ku nga hiko na kupimiwa.” — Fil. 4:6, 7.

¹⁸ Hi rini laha Penina a nga wona lezaku Hana a nga ha swireki hi kuchepeta kakwe? A tlhatlhambutelo a wu wuli, kanilezi a magezu ‘i wa nga ha tsuvangi’ ma komba lezaku Hana i wa tsakile niku i wa nga ha karateki kusukela ka xikhati lexo. A lisine la kona hi lezaku Penina i tekele ku zi wona lezaku a kuchepeta kakwe ku wa nga ha bhinzuli. Niku a Biblia a ga ha kumbuki kambe a vito gakwe.