HIKUYINI HI FANELEKO KU KHOMA A LIRIMI LA HINA

4, 5. Xana a mavingu yo kari ya Biblia ma wu tlhamuselisa kuyini a ntamu wa magezu?

⁴ A xinwe xa zigelo za lisima zi hi mahako hi khoma lirimi la hina hi lezaku a magezu ma na ni ntamu. Mavingu 15:4 i ngalo: “A lirimi li mbheleleko i sinya ya wutomi; kanilezi loku li bihile li goha muhefemulo.”a A ku fana ni lezi a mati ma hanyisako a sinya yi wunileko, a mawulawulela ma mbheleleko kutani yo rula ma nga tiyisa lava va ma zwako. A ku hambana ni lezo, a magezu ya hava ya lirimi lo biha ma zi kota ku tshova mbilu ya vanwani. Hakunene, a magezu hi ma wulawulako ma na ni ntamu wa ku bayisa kutani ku hanyisa. — Mavingu 18:21.