Hi leci caku: “Hi gona a nandza ga mina legi ndzi gi hlawulileko; cirandzwa ca mina leci muhefemulo wa mina wu xaleleko khwatsi ha cona. Ndzi ta veka moya wa mina hehla kakwe, i taba hungu hi kulamula a ka vamatiko. A nga ta holova, ne ni ku kanyuluka; a gezu gakwe gi nga ta zwiwa maphangweni. A lihlanga li khinyekileko a nga ta li tshova, a nga ta tima a ngoti ya kandiya yi fufunhako, a kala a yisa nongameto kuhluleni; a vamatiko va ta tsumba vito gakwe.” — Matewu 12:18-21; Isaya 42:1-4.

A cin’wani kambe, Jesu i wa chumayela mahungu yo chavelela lava va nga fana ni lihlanga li khinyekileko. A vanhu lavo, va wa fana ni trisido ya kandiya yi nge tuvi-tuvi, yi lava ku timeka. Jesu a nga tshovangi lihlanga li khinyekileko, ne a nga timangi trisido yi tuvikako yi lava ku timeka. I no va zwela wusiwana, a kombisa lirandzo, a tiyisa vanhu lavo vo rula. Handle ko kanakana, Jesu hi yena loyi a ringanako ku tsumbiwa hi vanhu vontlhe!