-
“Wa ha wulawula hambu lezi a fileko”Pimanyisa a kukholwa kabye
-
-
5. Hi wihi a tlhamuselo wa magezu ya Jesu lawa ma zwananisako Abeli ni ‘kuvangiwa ka misava’? (Wona kambe a tlhamuselo wa lahasi.)
5 Abeli i pswalilwe na ka ha hi ku vangiwa a vanhu vo sangula. Jesu i lo zwananisa Abeli ni ‘kuvangiwa ka misava.’ (Gonza Luka 11:50, 51.) Loku a kumbuka misava, ko khwatsi Jesu i wa wula a vanhu lava va nga ni kutsumba ka ku tirulwa xionhweni. Hambu lezi Abeli a vileko munhu wa wumune misaveni, zi wonekisa ku khwatsi hi yena wo sangula a ku woniwa hi Nungungulu kota loyi a tirulekako.a Zi te dlunya lezaku Abeli a nga kulangi xikari ka vanhu va va nene.
-
-
“Wa ha wulawula hambu lezi a fileko”Pimanyisa a kukholwa kabye
-
-
a A magezu “kuvangiweni ka misava” ma yelana ni ku byala mbewu, lezi zi nyikako maalakanyo ya ku pswala, niku hikwalaho ma wula vanhu va pswalilweko masikwini yo sangula ya kuvakona ka vanhu. Kanilezi, hikuyini Jesu a zwananisako Abeli ni ‘kuvangiwa ka misava,’ a tsika Kana, ku nga yena wo sangula ku pswaliwa? A ziboho za Kana zi kombile lezaku yena i lo hluwuka ha womu mahlweni ka Jehova Nungungulu. A ku fana ni vapswali vakwe, ko khwatsi Kana a nga na kutsumba ka ku vuxiwa hi ka vafileko ge hambu ku tirulwa.
-