MAHANYELA YA WUKRISTU

A ku khozela Nungungulu ni ku ti toloveta mihlakano ya ku tiyisa miri

Nhanyana a nga khoma leci ca ku bela hi cona a tênis, mufana a nga khoma a bhola ya basquete, ni mun’wani a nga khoma leci ca ku bela hi cona a beisebol

Ina a ku ti toloveta mihlakano ya ku tiyisa miri zva vhuna ke? Kunene zva vhuna, kanilezvi loku zvi fananisiwa ni ku maha zvilo zvi to tiyisa a wunghana ga hina na Jehovha zvi vhuna kutsongwani. (1Tm 4:8) Hikwalaho, a maKristu ma maha khwatsi hi kuva ni kuringanisela hi mihlakano.

WONA A VHIDHYU YA ZVIBHONEKANA YA KU ZVINI U FANELEKO KU ZVI TIVA HI MIHLAKANO?, U GUMESA U HLAMULA ZVIWUTISO LEZVI:

1. Wutlhari muni hi nga gi gondzako ka mihlakano?
2. Zvilo muni zva zvinharu zvi nga hi vhunako ku tiva ku a hlakano wo kari wu nene kutani wu bihile?
3. Lisimu 11:5 li nga hi vhunisa kuyini ku maha ciboho ca lezvaku mihlakano muni hi nga belako kutani ku yi cuwukela?
4. Hi nga gi tirisisa kuyini a papilo ga Va Le Filipi 2:3 na Mavingu 16:18 ka ndlela leyi hi hlakanako hi yona?
5. A papilo ga Va Le Filipi 1:10 gi hi vhunisa kuyini ku pima cikhati leci hi mbhetako na hi hlakana kutani na hi cuwukela mihlakano yo kari?