APENDISE A

Lisine la Bhibhiliya hi randzako ku gondzisa vanhu

Jesu i wulile lezvaku a vanhu va timbilu tinene va wa ta zvi kota ku pola ku leli lisine loku va lizwa. (Joh. 10:4, 27) Hikwalaho, khati ni khati hi bhulako ni vanhu, hi lava ku va gondzisa a lisine lo olova la Bhibhiliya. Zama ku sangula ku bhula ni munhu hi lisine la Bhibhiliya, hi ku mu wutisa ku: “U wa zvi tiva a ku . . . ?” kutani ku “U tshuka u zvizwa ku . . . ?” Andzhako ka lezvo, lera mutsalo wu tlhamuselako a lisine lelo. U nga byala mbewu mbilwini ya munhu hi ku bhula naye ntsena hi lisine lo olova la Bhibhiliya, niku Nungungulu a nga kulisa a mbewu leyo! — 1 Kor. 3:6, 7.

Vanhu va nga Paradhesini va hlakanako ka vharanda ga yindlu yi nga laha citsungeni yi cuwukeneko ni nkova.

ZVILO ZVA HA TAKO

1. A zvilo zvi mahekako zvezvi lomu tikweni ni matshamela ya vanhu zvi komba ku zvezvanyana a zvilo zvi ta cica. — Mat. 24:3, 7, 8; Luka 21:10, 11; 2 Tim. 3:1-5.
2. A misava yi nga ta tshuka yi lovisiwa. — Lis. 104:5; Mutsh. 1:4.
3. A misava yi ta vhuxetwa yiva yiswa. — Isa. 35:1, 2; Kuv. 11:18.
4. A vanhu vontlhe va tava ni lihanyo la linene. — Isa. 33:24; 35:5, 6.
5. U nga hanya kala kupindzuka laha misaveni. — Lis. 37:29; Mat. 5:5.

NGANGO

6. A nuna “i fanele ku randza a sati wakwe a ku fana ni lezvi a ti randzisako zvona.” — Efe. 5:33; Kol. 3:19.
7. “A sati i fanele kuva ni cichavo co eta hi nuna wakwe.” — Efe. 5:33; Kol. 3:18.
8. A nuna ni sati va fanele ku tsumbeka mun’we ka mun’wani. — Mala. 2:16; Mat. 19:4-6, 9; Mah. 13:4.
9. A vana lava va va kombisako cichavo a vapswali vabye va tlhela va va ingisa zvi ta va fambela khwatsi. — Mav. 1:8, 9; Efe. 6:1-3.

NUNGUNGULU

10. Nungungulu i na ni vito. — Lis. 83:18; Jer. 10:10.
11. Nungungulu wa wulawula na hina. — 2 Tim. 3:16, 17; 2 Ped. 1:20, 21.
12. Nungungulu munhu wo tsumbeka. — Dhewu. 10:17; Miti. 10:34, 35.
13. Nungungulu wa zvi lava ku hi vhuna. — Lis. 46:1; 145:18, 19.

MUKHONGELO

14. Nungungulu i lava ku hi khongela kakwe. — Lis. 62:8; 65:2; 1 Ped. 5:7.
15. A Bhibhiliya gi hi gondzisa lezvi hi faneleko ku khongelisa zvona. — Mat. 6:7-13; Luka 11:1-4.
16. Hi fanele ku khongela hi kukhandzakanya. — Mat. 7:7, 8; 1 Tes. 5:17.

JESU

17. Jesu i wa hi mugondzisi wa hombe niku a wusungukati gakwe ga vhuna contlhe cikhati. — Mat. 6:14, 15, 34; 7:12.
18. Jesu i phrofetile zvilo hi zvi wonako nyamutlha. — Mat. 24:3, 7, 8, 14; Luka 21:10, 11.
19. Jesu i n’wana wa Nungungulu. — Mat. 16:16; Joh. 3:16; 1 Joh. 4:15.
20. Jesu a hi yena Nungungulu wa Ntamu Wontlhe. — Joh. 14:28; 1 Kor. 11:3.

MUFUMO WA NUNGUNGULU

21. A Mufumo wa Nungungulu mufumo wa lisine wu nga le tilweni. — Dhan. 2:44; 7:13, 14; Mat. 6:9, 10; Kuv. 11:15.
22. A Mufumo wa Nungungulu wu ta vhaleta a mifumo yontlhe ya vanhu. — Lis. 2:7-9; Dhan. 2:44.
23. Mufumo wa Nungungulu ntsena wu to zvi kota ku lulamisa a zvikarato zva vanhu. — Lis. 37:10, 11; 46:9; Isa. 65:21-23.

Vapswali va karatekileko va tshamileko kusuhani ni mubhedhi wa n’wana wabye lomu cipitali.

KUXANISEKA

24. Nungungulu a hi yena a hi vangelako kuxaniseka. — Dhewu. 32:4; Jak. 1:13.
25. Sathani hi yena a fumako tiko. — Luka 4:5, 6; 1 Joh. 5:19.
26. Nungungulu wa zvi wona ku wa xaniseka niku i ta ku vhuna. — Lis. 34:17-19; Isa. 41:10, 13.
27. Zvezvanyana Nungungulu i ta fuvisa kuxaniseka. — Isa. 65:17; Kuv. 21:3, 4.

I nuna ni sati va nga laha cilahleni na va bayisekile nguvhu.

KUFA

28. A vafileko a va tivi nchumu, ne a va xaniseki. — Mutsh. 9:5; Joh. 11:11-14.
29. A vafileko a va nge hi vhuni kutani ku hi mahela zvakubiha. — Lis. 146:4; Mutsh. 9:6, 10.
30. A varandzekako va hina va fileko va ta vhuxiwa. — Joba 14:13-15; Joh. 5:28, 29; Miti. 24:15.
31. “Ku nga ta hava ni kufa”. — Kuv. 21:3, 4; Isa. 25:8.

WUKHONGELI

32. A hi gontlhe wukhongeli gi tsakisako Nungungulu. — Jer. 7:11; Mat. 7:13, 14, 21-23.
33. Nungungulu wa venga wukanganyisi. — Isa. 29:13; Mika 3:11; Mar. 7:6-8.
34. A lirandzo la lisine li tivekisa a wukhongeli ga lisine. — Mika 4:3; Joh. 13:34, 35.