Hikuyini a Vakustumunyu va Jehovha va nga tirisiko a cihambano kukhozeleni kabye?

A vanhu vo tala va wona a cihambano kota cikombiso ca maKristu wontlhe. Hambu lezvi hina Vakustumunyu va Jehovha hi nga maKristu, a hi tirisi cihambano wukhozelini ga hina. Hikuyini?

A cin’we ca zvigelo hi ku a Bhibhiliya gi wula lezvaku Jesu a nga felangi laha ka cihambano kanilezvi i fele laha ka mhandze. A cin’wani kambe, a Bhibhiliya gi tlharihisa a maKristu lezvaku ma ‘chava ku khozela zvifananiso’, lezvi zvi wulako ku a ma faneli ku tirisa cihambano kukhozeleni.​ — 1 Va Le Korinte 10:14; 1 Johani 5:21.

Hi nga wona lezvi Jesu a nga wula, i te: “Loku mu randzana, a vanhu vontlhe va ta zvi tiva lezvaku mu vapizani va mina.” (Johani 13:34, 35) Hi magezu lawa, Jesu i kombile a vapizani vakwe lezvaku a lirandzo la lisine hi lona li nga wa ta tivekisa a valandzeli vakwe va lisine, na ku nga hi cihambano kutani cin’wani cifananiso.