U Nga Yendla Yini Leswaku U Kota Ku Lerha Bibele Siku Ni Siku?

Indjhe swa ku karhatela ku landzela programa leli u nga tivekela lona kuva u lerha Bibele siku ni siku hileswi u tshamaka na u khomekile? (Yox. 1:8) Swi ngo yini u zama ku yendla leswi nga kombisiwa lani hansi:

• Tivekeli alarmi. Veka alarmi ka telefoni, thableti kumbe komputadori la wena swaku li ku khumbukisa swaku u fanele u lerha Bibele.

• Veka Bibele ka ndhawu ya ku voneka. Loko u tirhisa Bibele la ku imprimiriwa, li veki ka ndhawu leyi swi nga ta ku vevukela ku li vona siku lin’wani ni lin’wani. — Det. 11:18.

• Yingisela ma audiyo ya Bibele. Yingisela ma audiyo ya Bibele nkama lowu u yendlaka mintirho ya siku ni siku. Tara, lweyi a nga mupfuli wa ndlela, a nga mamani funtshi a tirhaka niwusiku, a li: “Lexi ni pfunaka kuva ni nga hundzisi siku na ni nga lerhanga i ku yingisela ma audiyo ya Bibele nkama lowu ni yendlaka mintirho ya le kaya.”

• U nga godoli. Loko maplanu ya wena ma nga humi kahle, lerha tindzimana tatitsongo na u nga se yetlela. Ku lerha Bibele siku ni siku hambi o va tindzimana tatitsongo swi ta ku pfuna swinene. — 1 Pe. 2:2.