Yehovha a hi Xikwembu xa mpfilumpfilu. (1 Vakorinto 14:33) Hi mhaka leyo, swa twala kuva vanhu va yena na vona va nga na mpfilumpfilu. Bandla la Wukreste li tshamise ku yini? Naswona hi nga Yentxa yini swaku hinkwaswu swi famba kahle?

1. I mani nhloko ya bandla?

‘Kreste i nhloko ya bandla’. (Vaefeza 5:23) A rhangela mintirho leyi yi yentxiwaka hi vanhu va Yehovha amisaveni hinkwayu na a li tilweni. Yesu a veke “mutirhi wa ku tshembeka ni wa ku tlhariha” kumbe Ntlawa lowu Rhangelaka, ku nga ntlawa wa wutsongo wa madoda lawa ma nga ni malembe na ma tirhela Yehovha. (Lerha Matewu 24:45-47.) Ku fana ni vapostolo ni madoda ya Jerusalema, a Ntlawa Lowu Rhangelaka wu nyikela nkongomiso ka mabandla ya misava hinkwayu. (Mintirho 15:2) Kambe vamakwerhu lava a hi varhangeli va nhlengeletanu. Va kambisisa Bibele kuva va tiva leswi Yehovha a lavaka va swi yentxa. Naswona hi ku swi rhandza va landza nkongomiso wa Yesu.

2. Hi wini ntirho wa madoda?

Madoda i vavanuna lava va nga ni wunghanu la ku tiya na Yehovha, naswona va tirhisa Bibele swaku va djondzisa ni ku tiyisa vanhu va yena. A va hakeliwi hi ku yentxa ntirho lowu, kambe va wu yentxa ‘hileswi va rhandzaka ku yentxa ku rhandza ka Xikwembu, funtshi a va yentxi leswo hi ku lava ku kuma xanchumu kambe hi ku swi rhandza.’ (1 Pedru 5:1, 2) Madoda ma pfuniwa hi vapfunisi va bandla, lava hi ku famba ka nkama na vona va nga ha fanelekaka ku va madoda.

Ntlawa Lowu Rhangelaka wu veka madoda man’wana swaku ma va vadjikelezi. Vona va pfuxela mabandla ya manyingi swaku va ma kongomisa ni ku ma tiyisa. Hi vona va vekaka madoda ni vapfunisi va bandla lava va fanelekaka hi ku ya hi Matsalwa. — 1 Timotiyu 3:1-10, 12; Tito 1:5-9.

3. Hi wini ntirho wa vamakwerhu hinkwavu abandleni?

Hinkwerhu abandleni hi ‘dzunisa vito la Yehovha’ hi ku hlamula ka mintlhanganu, hi tlhela hi va kona ka ntirho wa ku chumayela hilani hi nga kotaka hi kona. — Lerha Tipisalema 148:12, 13.

DJONDZA SWIN’WANA

4. Yesu i murhangeli wa munene

Yesu wa hi rhamba. Lerhani Matewu 11:28-30, mi gama mi bula hi xivutiso lexi landzelaka:

• Yesu a lava hi titwisa ku yini hi ndlela leyi a hi rhangelaka hi yona?

VHIDIYO: Madoda Ma Pfune Vamakwerhu Nkama Ku Nga Humelela Ku Tsekatseka Ka Misava aNepal (4:56)

Bibele li swi kombisa kahle leswi madoda ma faneleke ma wu yentxisa xiswona ntirho wa wona.

Lerhani Esaya 32:2 na 1 Pedru 5:1-3, mi gama mi bula hi swivutiso leswi landzelaka:

• U titwisa ku yini hi ku tiva swaku ku fana na Yesu, madoda ma lava swaku vamakwerhu va titwa kahle?

• Hi tini tindlela tin’wana leti madoda ma tekelelaka Yesu hi tona?

5. Madoda ma va vekela xikombiso vamakwerhu

VHIDIYO: Madoda Hi Wona Ma Rhangelaka (7:39)

Yesu a nyikele minawu ka lava va rhangelaka bandla. Lerhani Matewu 23:8-12, mi gama mi bula hi xivutiso lexi landzelaka:

• Hi kwini ku hambana ka minawu leyi Bibele li yi nyikaka madoda ni leswi varhangeli va wukhongeli va swi yentxaka?

1. Madoda ma zama ku tiyisa wunghanu la wona na Yehovha, ni ku pfuna mindjangu ya wona swaku yi yentxa leswi fanaka

2. Madoda ma ni mhaka ni vamakwerhu hinkwavu bandleni

3. Madoda ma chumayela nkama ni nkama

4. Madoda ma djondzisa naswona ma pfunisa ka ku basisa yindlo ya wugandzeli ni mintirho yin’wana

6. Hi nga swi kota ku tirhisana kahle ni madoda

Bibele li hi byela nchumu wa lisima lowu wu hi yentxaka hi lava ku tirhisana kahle ni madoda. Lerhani Vaheberu 13:17, mi gama mi bula hi swivutiso leswi landzelaka:

• Hi mhaka muni Bibele li hi byela swaku hi fanele hi yingisa hi tlhela hi tiveka hansi ka lava va rhangelaka? Wena u swi vonisa ku yini?

Lerhani Luka 16:10, mi gama mi bula hi xivutiso lexi landzelaka:

• Hi mhaka muni swi li swa lisima kuva minkama hinkwayu hi yingisa madoda, hambi ka minchumu ya yitsongo?

LESWI HI NGA SWI DJONDZA

Yesu i nhloko ya bandla, naswona madoda ma kongomisiwa hi yena. Ha tsaka hi ku tirhisana ni madoda, hikusa ma hi rhangela kahle naswona ma hi djondzisa hi xikombiso xa wona.

Ku kambela leswi hi nga swi djondza

• I mani nhloko ya bandla?

• Madoda ma li pfunisa ku yini bandla?

• Hi wini ntirho wa vamakwerhu hinkwavu abandleni?

LOKO U LAVA KU TIVA SWIN’WANA

Vona leswi swi kombisaka swaku Ntlawa Lowu Rhangelaka ni madoda va ni mhaka ni Vakreste namuntlha.

Ku Tiyisa Vamakwerhu Loko Ntirho Wa Hina Wu Tsimbisiwa (4:22)

Djondza hi ntirho lowu vadjikelezi va wu yentxaka.

Wutomi La Mudjikelezi Lweyi A Tirhelaka Kule Ni Doropa (4:51)

Lerha hi leswi vavasati va swi yentxaka abandleni.

“Xana Timbhoni Ta Yehovha Ta Va Tirhisa Vavasati Leswaku Va Dyondzisa?” (Murindzi wa 1 ka Setembro wa 2012 hi Xitsonga)

Vona leswi madoda ma swi yentxaka swaku ma tiyisa vamakwerhu.

“Vakulu Lava Nga Vakreste ‘I Vatirhi-kulorhi Leswaku Hi Tsaka’” (Murindzi wa 15 ka Janeiro wa 2013 hi Xitsonga)

1. Bibele li va pfunisa ku yini vavanuna lava va nga chada?

Yehovha a veke wanuna swaku a va nhloko ya ndjangu. (Lerha Vaefeza 5:23.) Yehovha a lava swaku wanuna a yentxa swiboho leswi swi nga ta pfuna ndjangu. Bibele li byela vavanuna li ku: “Tamani mi rhandza vasati va n’wina”. (Vaefeza 5:25) Swi vula yini leswo? Wanuna lweyi a rhandzaka nsati wa yena a mu khoma kahle loko va li kaya ni loko va li lomu ku nga tala hi vanhu. A yentxa hinkwaswu swaku nsati wa yena a hlayiseka, a tsaka a tlhela a mu nyika leswi lavekaka. (1 Timotiyu 5:8) Kambe xa lisima hintamu a pfuna nsati wa yena swaku a va munghanu wa Yehovha. (Matewu 4:4) Hi xikombiso, wanuna a nga khongela a tlhela lerha Bibele ni nsati wa yena. Wanuna lweyi a hlayisaka nsati wa yena hi lirhandzu, a tshama na a ni wunghanu la linene na Yehovha. — Lerha 1 Pedru 3:7.

Yesu i Nhloko ya bandla la Wukreste. (Vaefeza 5:23) Swoswi Yesu a le tilweni, kambe a kongomisa valandzeli va yena va lani misaveni hi ku tirhisa “mutirhi wa ku tshembeka ni wa ku tlhariha”. (Lerha Matewu 24:45.) Yesu hi yena a nga veka “mutirhi” a tlhela a mu nyika ni mfanelo ya ku yentxa swiboho, kambe hambileswo mutirhi lweyi i mutirhi wa Kreste naswona a tirhela vamakwenu va Kreste. I mani mutirhi lweyi? A maha yini swaku a hi hlayisa?