Jorhenguarhikua 9
Engaksï Tatá Diosïni marhoakujka jatsistiksï para pímbinhasïni
¿Jucha andisï jatsi para pímbinhasïni iámindu ambe jimbo? (1)
¿Ambe arhikuekasïni kómarhini Tatá Diosïni pímbinhasïkua jingoni? (2)
¿Pímbinhasï jángua jatsini? (3)
¿Pímbinhasï eratsikua jatsini? (4)
¿Pímbinhasï jatsini iámindu juchari ambe? (5)
¿Ná járhati uandakuechani jucha no jatsiski para uandani? (6)
1. Tatá Jeobá pímbinhasïsti. Ima erokuarhesïndi eskaksï imeri kómarhiricha pímbinhasïuaka imecheri kómarhikuarhu, jángua, eratsikua ka iámindu ambe jimbo (1 Pedru 1:16). Uétarhisïndi kánikua jánguarhintani para pímbinhasï jarhani Tatá Diosïni jingoni. Jucha irékaxaka ma parhakpinirhu enga kánikua no sési jándika. Ístu jucha jatsiska para uinhapikuarintani parajtsïni no antsitani juchari no sési járhati tsitikuecha.
2. Pímbinhasï kómarhikua: Enga jucha uéjka Tatá Jeobáni marhoakuni, jucha jatsiska para jurajkuani imani jakajkukuechani o pʼindekuechani engaksï no jurhimbiti religiónirhu anapueka. Jucha jatsiska para ueakuntani ka nóteru ambe ma jimbo jarhoatani religióni no jurhimbitini (2 Korintu 6:14-18; Jaŋaskuecha 18:4). Enga jucha jorhenguarhikia jurhimbikua Tatá Diosïri ambe, jucha jatsiska para jingontku jarhani parajtsïni no támu ísï jánhastani imecha engaksï no jurhimbikua ambe jorhentpijka (2 Juanu 10, 11).
3. Pímbinhasï jángua: Tatá Jeobá uékasïndi eskaksï imeri kómarhiricha méntkisï ísï jámaka eska sési jimbo Jesúkristueri chúxapaticha (1 Pedru 2:12). Ima iámindu ambe exesïndi, imani jamberi enga jucha jirikuarhiparini újka (Ebreu 4:13). Jucha no jatsiska para ísku jándikua ambe úni, níjtu máteru no sési járhati úkuechani enga únhajka parhakpinirhu (1 Korintu 6:9-11).
4. Pímbinhasï eratsikua: Enga jucha uiniraka juchari eratsikuarhu ambakiti ka pímbinhasï ambe, juchari jánguajtu pímbinhasïuati (Filipusʌ 4:8). Joperu enga jucha méntku no sési jásï ambe eratsini jauaka, jucha kʼamarhukuaka no sési jásï ambe úni (Mateu 15:18-20). Jucha no jatsiska para tsípekuarhini imani ambe jimbo, enga úpiringa ikichakua úni juchari eratsikuani. Enga jucha arhintaka Tatá Diosïri Karakatani, juchari eratsikua pímbinhasïuati.
5. Iámindu juchari ambe pímbinhasï jatsini: Jimboka jucha Jesúkristueri chúxapatiska ka Tatá Diosïni marhoakuni, jucha jatsiska para pímbinhasï jatsini juchari kuerpuni ka juchari xukuparhakuani. Ístu jupajkukuarhintani enga jucha komonirhu niuaka, ka enga jucha tʼireni jámaka o enga jucha uékaka tʼirekua ambe pʼárhini. Enga ma kʼumanchikua no jatsika komonini, jimajkani uétarhisïndi jarhakuni ka túskuni (Deuteronomio 23:12, 13). Pímbinhasï jatsini iámindu ambe marhoauati para no pʼamenchani. Jesúkristueri chúxapaticheri kʼumanchikuecha jatsistiksï para xáni incharini ka uérakua, pímbinhasï jarhani ka sési tarhatakata jarhani iámindu ambe. Jatsistiksï para imecheri irétarhu jindéni ambakiti eranhikua ma, para máteruecha.
6. Pímbinhasï uandakua: Engaksï Tatá Diosïni marhoakujka jatsistiksï para méntkisï jurhimbikua jingoni uandani. Chikuandirecha no inchati Tatá Diosïri Juramukuarhu (Efesu 4:25; Jaŋaskuecha 21:8). Tatá Jesúkristueri chúxapaticha nóksï uandasïndi no sési járhati uandakuechani. Nóksï kurhangusïndi, níjtuksï uandantajki uandantskuechani engaksï no sési jásï ambeka. Ménderuenistiksï ánchikuarhikuarhu, jorhentperakuarhu, ka jima engaksï irékajka, imecheri pímbinhasï uandakuani jimbo (Efesu 4:29, 31; 5:3).
[Ilustrasioni pájina 19 anapu]
Engaksï Tatá Diosïni marhoakujka jatsistiksï para pímbinhasïni iámindu ambe jimbo