Jorhenguarhikua 12
Ju je jukaparharani tsípekuani ka iurhirini
¿Jucha néna jatsiski para exeni tsípekuani? (1)
¿O uékantku tsïtani ma charhakuni? (1)
¿Kristianuecha nénaksï xarhatasïni eskaksï jukaparharasïnga tsípekuani? (2)
¿Sési jaki uándikuani animalichani? (3)
¿Ambe úkuechani jimbo, jucha no jukaparharasïni tsípekuani? (4)
¿Ná uandasïni Diosïri juramukua iurhiriri ambe? (5) ¿Ka iurhiri jatantskueri ambe? (6)
1. Tatá Jeobá jindesti enga tsípekua íntspejka. Iámindu ambe enga tsípiti jaka Diosïni jimboesti (Ukuecha 17:28). Tatá Diosï kánikua jukaparharasïndi tsípekuani. Tatá Jeobá imani tsípekuani jamberi kánikua jukaparharasïndi enga nótki andajpinuni jarhajka. Para Tatá Diosïni jingoni, no sési jarhasti uékantku uándikuni ma charhakuni enga nótki andajpinuni jarhajka (Éxodo 21:22, 23; Salmo 127: 3).
2. Sési jimbo Jesúkristueri chúxapaticha jukaparharasïndiksï tsípekuani. Jánguarhintasïndiksï paraka imecheri mótsitarakuechani o kʼumanchikuechani jimbo, nóksï ma ambe úkuarhinchaka (Deuteronomio 22:8). Engaksï Tatá Diosïni marhoakujka nóksï uarhikuarhu inchamukukuarhesïndi chʼanakua ambe jimbo. Ísï jimbo, nóksï chʼanasïndi imani ambe engaksï úpiringa no sési úkuani máteruechani. Nóksï tsípekuarhesïndi uarhiperakua ambe jimbo (Salmo 11:5; Juanu 13:35).
3. Tatá Kuerajpiri, ístu kánikua jukaparharasïndi animalicheri tsípekuani. Jesúkristueri chúxapaticha uáti uándikuani animalichani para tʼireni, xukuparhani, para no pʼamenchakua ambe pʼirani o para kuajpikuarini (Génesis 3:21; 9:3; Éxodo 21:28). Joperu no sési jarhasti para no sési káni o uándikuani animalichani, tsípekuarhita o chʼanakua ambe jimbo (Proverbios 12:10).
4. Jesúkristueri chúxapaticha nóksï jatsisti para itsutani sigarru, uitsakua xunhapitini, kokainani, o arhani máteru jásï droga tsípekuarhita ambe jimbo. Inde ambe nóksï sési jarhasti jimboka 1) pʼinderasïnga kʼuiripuechani, 2) no sési úkusïnga kuerpuni ka 3) jimboka ikichakueni jásï ambeska (Roma 6:19; 12:1; 2 Korintu 7:1). Jurajkuni indeni ambe úpirindi kánikua úkua jukani, joperu enga jucha uéjka Tatá Jeobáni jaiapanherantani, jucha jatsiska para indeni ambe jurajkuni.
5. Ístu, Tatá Diosï kánikua jukaparharasïndi iurhirini. Ima uandasïndi eska alma, enga jindeka tsípekua, iurhirirhu jarhaska. Ísï jimbosï no sési jati iurhiri arhani. Ístu no sési jarhasti arhani animaliri kʼuiripitani, enga no iámindu iurhirinhksï tsítakuaka. Enga ma animali pirajchakukata uarhiaka o eperukua ma jimbo, jucha no jatsiska para ántani o enga uándikunhaka kʼuanikutarakua ma jimbo, uétarhisïndi kókuani tsítakuni iurhirini para úni arhani imani kʼuiripitani (Génesis 9:3, 4; Levítico 17:13, 14; Ukuecha 15:28, 29).
6. ¿Sési jaki iurhiri jatantani? Miánta je eskajtsïni Tatá Jeobá kurhachesïnga eska jucha no jatsiska para iurhiri jatantani. Inde arhikuekasïndi eska jucha no uáka arhani, itsïmani, incharhikuarini o jatantani máteru kʼuiripueri iurhirini, ni jucharijkumindu iurhirini enga patsakata jauaka (Ukuecha 21:25). Sési jimbo Jesúkristueri chúxapaticha, nóksï jatantasïndi iurhirini. Joperuksï jiókuarhisïndi máteru jásï sïpiatichani engaksï no iurhiri jukarhika. Nóksï uékasïndi uarhini, uékasïndiksï irékani, joperu no uanajchakuparini Tatá Diosïri juramukuechani (Mateu 16:25).
[Ilustrasioni pájina 25 anapu]
Para Diosïni jaiapanherantani, jucha no jatantaka iurhiri, ni úni ikichakueni jásï ambe ka níjtu uarhikuarhu inchamukukuarheni