PIREKUA 14
Ju je kʼéri ambe arhini juchari Juramutini
(Salmo 2:12)
1. Jesusi kúnguarhikua ma jatsisti,
ireta ma ixú Echerirhu
ka iáiasï jánguarhexati
uánikua kʼuiripuni tánani.
Jeobaeri Juramukua janostia,
Jesusi juramuni jauatia.
Ixú kánikua sési jántskantaatia.
¡Jucha kánikua sési irekaaka!
(KORU)
¡Ju je kʼéri ambe arhini juchari Juramutini,
Jeoba uinhapikua íntskustia!
Jurhimbikua jingoni juramuni jauati,
ju je kʼéri ambe arhini.
2. ¡Ju je kʼéri ambe arhini Jeobani
ka tata Jesukristuni!
Ambakiti juramutiuati,
¡kánikuachi sési irekaaka!
Sési jásï ambe janoxati,
nóteruchi kómu nitamaakia,
nóteru nema niáratia uarhini,
¡jucha para méntkisï irekaaka!
(KORU)
¡Ju je kʼéri ambe arhini juchari Juramutini,
Jeoba uinhapikua íntskustia!
Jurhimbikua jingoni juramuni jauati,
ju je kʼéri ambe arhini.
(Ístu exe je Sal. 2:6; 45:1; Is. 9:6; Juanu 6:40).