Kʼéri pʼikuntskua ma

JESÚSI uandaspti eskaksï imeri chúxapaticha úpiringa kʼéri pʼikuntskua ma últimu jurhiatikuecha jimbo (Mat. 9:37; 24:14). Í uandakuechaksï sési kumplirikuarhixati territoriurhu ma, jini Transcarpatia (Ucrania). Tanimu iretecha jimbojku engaksï jimajku no iauani jaka, jarhastiksï 50 kúnguarhikuecha ka sánderu de 5,400 eianhpiricha.a Ka engachi kuentuaska na engaksï xáni irekaka imani tanimu iretecharhu, 1 de kada 4 kʼuiripu, Jeobaeri testiguesti.

¿Na jásïski jima anapu kʼuiripu? Erachi ma enga Vasile arhinhajka, uandasïndi: “Ixuksï kʼuiripuecha respetarisïndi Bibliani, jukaparharasïndiksï jurhimbikuani, familiauechaksï májku kʼéri jarhasti ka jánguarhintasïndiksï jarhuajperani máteruecha jingoni”. Ístu uandasïndi: “Nóksï méntkisï de akuerdu jarhasïndi juchari jakajkukuechani jingoni, peru engari exerajka Bibliaeri textu ma, jingontkuksïni kurhajchasïndi”.

Ísïsti, eianhpini territoriurhu ma enga xáni uánikua aianhpiricha jaka, juchari erachichaksï jatsiasïndi máru ójkutakuechani engaksï kasi no jarhajka. Por ejemplu, kúnguarhikua ma 134 aianhpirichani jatsiasti ka solu 50 kʼumanchikuechani para eianhpini. ¿Ambeksï úsïni erachicha ini ambe jimbo?

Uánikua erachichaksï jánguarhintasïndi nirani máteru territoriuecharhu nani engaksï uétarhijka sánderu eianhpiricha. Erachi ma enga 90 jatirikia enga Ionash arhinhajka, uandasïndi: “Juchari kúnguarhikueri territoriurhu, jarhasti ma eianhpiri mándani tsimani kʼumanchikuecharhu. Ji iásï iretarhu eianhpisïnguia, peru antesi de ji sánderu pʼamenchani, apenasi nótki ióni, ístuni territoriurhu ma nirasïrenga enga no asignadu japka enga 160 kilometrisï iauani jaka (100 millas) para eianhpini idioma húngaro jimbo”. Eianhpirichaksï jatsisti para kʼérati sakrifisiuechani uáni paraksï nirani i lugaricharhu. Ionash uandantasïndi: “Parani treni jimbo nirani, jatsispka parani kuatru de la maniana jauarani. Ka tátsekua aianhpisïrenga asta las seisi inchatiru anapu, jimboka ima jandorisï kʼuanhatsintasïrenga treni. I ambe úsïrenga tsimani o tanimu uelta ma semana jimbo”. ¿Exejki i erachi eska kánikua marhuaska ambe enga xáni jánguarhintaka úni? Ima mísmu uandasïndi: “I jásï aianhpikuarini kánikua sési pʼikuastasïrendi. Ka kʼéri kóntperata ma jatsispka de jorhendani jurhimbikuani, familiani ma enga iauani ísï irekapka”.

Mítiskachi eskaksï máru erachicha imani kúnguarhikuarhu anapuecha no úsïnga nirani xáni iauanisï, peru iáminduecha, asta jatiricha, jánguarhintasïndiksï para predikarikuni kʼuiripuni imecheri territoriurhu anapuni. Ísï úparini, Konmemorasionirhu uéxurhiniri 2017, ini tanimu iretecheri, kasi dobliksï tánguarhispti de na engaksï xániika eianhpiricha, o sea terujkani na engaksï xáni ima tanimu iretarhu anapuecha. Seguruchi jarhaska eska nani uéjki engachi marhuani jaka, útasï uánikua ambe jarhaska para úni Tata Diosïri ánchikuarhitarhu (1 Kor. 15:58).