¿Ambechi uá jorhenguarhini ima erachicheri engaksï ióni páni jakaia marhuakuni Jeobani?

Jamberi juchari kúnguarhikuarhu jatiksï erachicha engaksï uánikua uéxurhini páni jakaia marhuakuni Jeobani. Jucha uáka uánikua ambe jorhenguarhini imecheri ambe jimbokaksï xarhatasïnga eskaksï kánikua mintsikasïnga Jeobani. Uákachi kurhamarhiani néna úkuarhisïreni ambe ma ióntki juchari kúnguarhikuarhu ka néna jarhuataaskia Jeoba paraksï úni orhepani uérakuani uandanhiatechani. Sési japirindi engachi pʼímarhipiringa erachini ma juchari familieri jorhenguarhikuarhu parajtsïni uandontskuarhechini.

Engajtsï cha ióni páni jakaia Jeobani marhuakuni, aiangua je sánderu sapirhatichani ambe engajtsï xáni nitamakuarhikia. Jakobu ka Jose aianguasptiksï uájpechani ambe enga xáni úpka Jeoba imechani jimbo (Gé 48:21, 22; 50:24, 25). Ísï tátsekua, Jeoba arhiaspti tátichani eskaksï aianguapiringa uájpechani na enga xáni uánikua ambe úpka Jeoba imecha jimbo (Dt 4:9, 10; Sl 78:4-7). Iásï, táticha ka ístu kúnguarhikuarhu anapu erachicha, uátiksï aianguani sánderu sapirhatichani na enga Jeoba ambakiti ambe úni jaka imeri kúnguarhikuani úraparini.

ENGAJTSÏ EXEAKIA BIDEUNI MÁJKU KʼÉRIKSÏ JARHASÏNDI NÁJKIRUKAKSÏ NO SÉSI KÁNHAJKA, MÓKUANTA JE ARINI KURHAMARHIKUECHANI:

• ¿Néna jarhuataaspi Austria anapu Beteli imani erachichani engaksï imani paisicha jimbo irekapka nani engaksï no jurajkuauenga aianhpini?

• ¿Ambeksï úspi i erachicha paraksï seguirini jarhani mintsikani Jeobani?

• ¿Andiksïsï uánikua Rumania anapu erachicha jarharepi Jeobaeri kúnguarhikuani, ka ambe úspi eskaksï kʼuanhatsentapiringa?

• ¿Nénaksïni jarhuatasïni i bideu parajtsï sánderu mintsikani Jeobani?