Iáminduechachi uáka aianhpini ka jorhentpini

Uénani jámani, Moisesi ísï pʼikuarherasïrendi enajki no úpirini úni imani ánchikuarhita enga Jeoba íntskupka (Éx 4:10, 13). ¿Chájtsï ménisï niáraski ísï pʼikuarherani? ¿Jorhenguarhixakijtsï Bibliaeri ambe Jeobaeri testiguecha jingoni ka kurhamarhikuarhisïntsï sintsï ménisï uá nirani aianhpini kʼumanchikuecharhu? ¿Sapichkuri jarhaski ka chésïndi aianhpini eskuelarhu? ¿Úkua jukanchasïntsï xanhari jimbo aianhpini o telefonu jimbo? Kurhaku je Jeobani eskaksïni jarhuataaka imeri espiritu santu jingoni (1Pe 4:11). Uákajtsï mintsikani eskaksïni Jeoba íntskuaka ambe engajtsï xáni uétarhinchaaka parajtsï úni imani ánchikuarhitani engaksïni ima íntskuaka (Éx 4:11, 12).

ENGAJTSÏ EXEAKIA BIDEUNI ASÏ CHÉ JE, EIANHPIRICHA, MÓKUANTA JE ARINI KURHAMARHIKUECHANI:

• ¿Ambe nitamakuarhixapi pirenchi Aoyama?

• ¿Ambe jarhuataski para uinhapekuarhintani ka balori jukani? (Jer 20:7-9).

• ¿Náki kóntperatechani jatsiaspi enga ísï sánderu marhuakupka Jeobani?

• ¿Ambe ka ambejtsï úkua jukanchasïni aianhpikuarhu ka engajtsï Jeobaeri jarhuajperata jimbo uáka orhepani uérani?