Ambe ma enga xarhatajka eskajtsïni Jeoba újchakurasïnga

8:6-9, 12; 9:1-5, 23, 24

Jeoba úspti eska chpiri iámu kurhirapiringa imani kéjtsïtakuani engaksï primeru xanhari úpka. Ísï úparini, Jeoba xarhataspti eska jaiapanhentaspka ka eska jarhuataxapka Aaronini ka máteru saserdotichani. Ka indeni ambe jimbo, jarhuataaspti imani israelitechani engaksï jima japka paraksï imechajtu májkueni úni. Ini jurhiatikuecha jimbo, Jeoba úraxati tata Jesukristuni jini auandarhu komueska sánderu Kʼéri Saserdoti (Eb 9:11, 12). Uéxurhini 1919 jimbo, Jesusi erakuaspti máru kristianuechani paraksï jindeni jántspiri enga mintsinharhikueka ka jánhastiini (Mt 24:45). ¿Ambe xarhatasïni eska Jeoba újchakuraxaka ka jarhuatani ini jántspirini?

• Nájkirukaksï no sési kánhajka, jántspiri enga mintsinharhikueka seguirixatijtsïni jorhendani parachi sánderu mintsikani Jeobani.

• Ambakiti ambe aianhpinhaxati “iápuru parhakpinirhu”, ísï eska na uandakata japka (Mt 24:14).

¿Nénachi uá méntkisï jarhuatani jántspirini enga mintsinharhikueka ka jánhastiini?