KRISTIANUECHERI IREKUA
Úsïngachi xarhatani na engachi xáni uékperajka kʼéri tánguarhikuecha jimbo rejioniri
¿Andichisï xáni tsitijki nirani kʼérati tánguarhikuecharhu rejioniri? Jimboka ísï eska ióntki israelitecha, úsïngachi kʼéri ambe arhini Jeobani uánikua erachicha jingoni. Tsitisïngachi iámindu ambe engachi jorhenguarhijka engajtsïni jarhuatajka sánderu sési pájperani Jeobani jingoni ka ístu jimbokachi úsïnga májku kʼéri jarhani juchari familia ka amiguecha jingoni. Jánguarhintasïngachi tanimu jurhiatikua nirani jimbokachi kánikua jukaparharasïnga.
Engachi tánguarhintajka, nóchi solu jatsiska para eratseni ambe engachi intsïnhaaka, sino ístu nénachi uá uékperakua xarhatakuani máteruechani (Ga 6:10; Eb 10:24, 25). Ka xarhatakuasïngachi erachichani eskachi xénchaasïnga engachi imantku siiechani arhutaaska engachi úrauaka o engachi mitakuska puerta erachini ma (Flp 2:3, 4). Ístuchi, kʼéri tánguarhikuecharhu úsïnga amigu úkuarhini máteruecha jingoni. Ju je jánguarhintani uandontskuarheni imecha jingoni engachi no míteaka. Uákachi ísï úni antede uénani programa ka enga kʼamarhuakia o jiáni engachi tʼireni jauaka (2Ko 6:13). Uákachi para méntkisï sési pájperani imecha jingoni engachi míteauaka. Engaksï máteruecha exeaka eskachi meru uékperasïnga, jamberiksï uékaati Jeobani marhuakuni (Jn 13:35).
ENGAJTSÏ EXEAKIA BIDEUNI KʼÉRI TÁNGUARHIKUA INTERNASIONALICHA “¡UÉKPERAKUA NO MÉNI KʼAMAKURHISÏNDI!”, MÓKUANTA JE ARINI KURHAMARHIKUECHANI:
¿Ambeksï úspi erachicha paraksï uékperakua xarhatakuani imechani engaksï nípka kʼéri tánguarhikua intenasionalicharhu 2019 jimbo?
¿Ambe jimbo xarharasïni eska Jeobaeri ireta májku kʼéri jarhaska ka eskaksï kánikua xénchperasïnga?
¿Ambeksï uandaspi uékperakueri ambe erachicha engaksï Grupurhu jaka enga Orhejtsïkuajka iámindu kúnguarhikuechani?
¿Ambejtsï uá úni parajtsï xarhatani uékperakua kʼéri tánguarhikuecharhu?
¿Nénaksï xarhataspi erachicha uékperakua jini Alemania ka Corea del Sur?
¿Ambechi eratsetixakia úni?