Tanimu ambe engachi uaaka úni parachi xarhatani eskachi mintsikasïnga Tata Diosï Jeobani

Dabidi andaspti Goliatini jimboka kánikua mintsikaspka Tata Diosï Jeobani (1Sa 17:45). Tata Diosï Jeoba uékasïndi úrani imeeri uinhapikuani para jarhuataani iámindu imeeri amiguechani (2Cr 16:9). ¿Ambechi uaa úni parachi xarhatani eskachi mintsikasïnga Tata Diosï Jeobani ka no juchajku mintsinharhikuarhini? Ju je exeni tanimu ambe.

• Méntkisï kómarhi je. Asï solu kómarhi je Tata Diosïni parajtsï kurhakuni eskaksïni puáchentaaka ambe ma jimbo engajtsï úka, sino ístu parajtsï kurhakuni eskaksïni íntskuaka uinhapikua parajtsï úni orhepani uérakuni tsʼéjkukua ma (Mt 6:12, 13). Kómarhi je Tata Diosï Jeobani ante dejtsï erakuni úni ambe ma ka no solu paraka újchakuraaka ambe engajtsï erakukia (Snt 1:5).

• Pʼinde je arhintani ka jorhenguarhini Bibliani. Pauani pauani arhinta je Bibliani (Sl 1:2). Eratseanta je imeechani enga Biblia uandaajka ka ambe engajtsï uaaka jorhenguarhini imeecheri ambe ka tátsekua ísï ú je eskajtsï na jorhenguarhika (Snt 1:23-25). Sési prepararikuarhi je parajtsï nirani aianhpini ka asï mintsinharhikuarhi je imani ambe jimbo engajtsï mítekia ka paraksïni tánguarhikuecha marhuacheni, sési prepararikuarhi je antesi.

• Májku kʼéri ánchikuarhi je Tata Diosï Jeobaeri kúnguarhikua jingoni. Jingontku ja je ambe enga uandajka Tata Diosï Jeobaeri kúnguarhikua ka ísï ú je eskaksïni na arhiaka (Nú 9:17). Ístu ísï ú je eskaksïni orhejtsïkuticha na arhiaka (Eb 13:17).

ENGAJTSÏ EXEAKIA BIDEUNI ¡ASÏ CHÉ JE ENGAJTSÏ NO SÉSI KÁNHAAKA!, MÓKUANTA JE ARINI KURHAMARHIKUECHANI:

• ¿Ambe jimboksï chéni pʼikuarheraspi erachicha engaksï bideurhu uéraka?

• ¿Ambe jarhuataaski paraksï nóteru chénia?