Máteru artikuluecha engaksï rebista Aianhpiri jimbo jaka
Uánikua erachiichaksï úrasïndi aplikasionini JW Library® paraksï exeni ambe enga exekuarhiaka tánguarhikuecharhu, ka kánikuaksï tsitisïndi engaksï újka sóntku exentani jorhenguarhikua rebisteeri Aianhpiri enga exekuarhini jauaka mándani semana. Joperu sáno méntkisï rebistarhu Aianhpiri jarhasïndiksï máteru artikuluecha engaksï ístu jindeeka parajtsïni jarhuatani sánderu andarhierani Tata Diosïni. Seguru eskajtsï no uékasïnga tsïtakuarhiani. Peru, ¿nénajtsï uaa exeantani aplikasionirhu?
Asta kétsekua enga na kʼamakurhijka jorhenguarhikua ma rebisteeri Aianhpiri, ísï arhisïndi “otros artículos” ka sánderu kétsekua arhisïndi “Contenido de este número”. Engajtsï jimini jaiaskuska, uaakajtsï exeantani iámindu artikuluechani engaksï indeni rebista jimbo jaka. Aparte de jorhenguarhikuecha engaksï tánguarhikuecharhu exekuarhijka (engaksï fásiliika para míteantani ka engaksï jukaka númeru semaneeri), ístujtsï exeantauaka máteru artikuluechani. Eraku je náki engajtsï uékaaka arhintani ka títulurhu jaiasku je.
Ístu aplikasioni JW Library jimbo, exe je jima enga arhijka “Lo nuevo” enga ueenakuarhu jaka ka késku je jimbanhi rebistani Aianhpiri enga uéraka. Míta je rebistani engajtsï késkuka ka exea je iámindu artikuluechani engaksï jaka parajtsï úni iámindu arhiantani.