“Puákuantasti imani kʼuiripuechani engaksï ióntki no sési ambe niátaka”

Tata Diosïjtsïni puácheantasïndi juchaari pekaduechani jimboka Jesúsi maiampiska imeeri iurhiri jingoni parajtsïni úni euajpintani (Éfes. 1:7). Joperu ístu Biblia uandasïndi eska “Tata Diosï tekaantaska ka puákuantasti imani kʼuiripuechani engaksï ióntki no sési ambe niátaka” (Rom. 3:​25, nota). I ambe arhikuekasïndi eska Tata Diosï tʼuini ueenaspkia puátspeantani pekaduechani ante de Jesúsi íntspini imeeri tsípikuani. ¿Néna úpirini Tata Diosï ísï úni ka jini no ma juramukuani uanajchakuni enga uaxastakata japkia?

Desde jiáni enga Tata Diosï Jeoba aiatspepka eska japiringa uájpa ma enga pʼímutaantapiringa kʼuiripuechani engaksï mintsikapiringa imani, ísïispti enajki maiampipia para euajpiantani kʼuiripuechani (Gén. 3:15; 22:18). Tata Diosï seguru jarhaspti eska imeeri Uájpa uékapiringa euajpiantani kʼuiripuechani jiáni enga na niárapiringa tiempu (Gal. 4:4; Ebr. 10:​7-10). Jiáni enga Jesúsi Echerirhu jámapka komueska Tata Diosïiri representanti, Tata Diosï íntskuspti juramukua para puákuantani pekaduechani imani kʼuiripuechani engaksï mintsikapiringa. Ka ísï úspti jimboka mítetixapka eska sánderu orhepani, imeeri uarhikua marhuapiringa para puákuantani imeechani engaksï mintsikapiringa (Mat. 9:​2-6).