Jesúsi “jorhenguarhisti kurhandirani”

Jesúsi méntkisï kurhajchasïndi Tata Diosï Jeobani (Juanu 8:29). Jiájkani, ¿andisï Biblia uandajki eska jorhenguarhispka kurhandirani jimboka no sési nitamakuarhiska? (Ebr. 5:8).

Enga Jesúsi Echerirhu jámani japka, imani ambe nitamakuarhispti enga auandarhu no méni nitamapka. Pori ejemplu, jatsispti para kurhajchani taati jémbeechani engaksï imperfektuepka joperu engaksï xéncheenga Tata Diosï Jeobani (Luk. 2:51). Relijionirhu anapu orhejtsïkutiicha ka juramutiichaksï no sési kámaspti (Mat. 26:59; Mar. 15:15). Ístu, “ísku exekuarhispti ka méntkisï kurhajchaspti [Tata Diosïni] asta ima jurhiatikua” enga uarhipka, jo, kánikuaksï no sési kámaspti paraksï uándikuni (Filip. 2:8).

Ambe enga nitamakuarhipka Jesúsi enga Echerirhu jámani japka, jorhenguarhisti néneeski kurhandirani Echerirhu. Ísï jimbo, niárasti Reini ka Kʼéri Saserdoti engajtsïni kurhanguchijka (Ebr. 4:15; 5:9). Iásï Tata Diosï Jeoba sánderu jukaparharasïndia ka marhuatani jimboka Jesúsi jorhenguarhiska kurhandirani imani ambe jimbo enga no sési nitamakuarhika. Ka Tata Diosï Jeobajtsïni májkueni exeati juchantsïni engachi ístu jorhenguarhiska kurhandirani jiáni enga úkua jukaaka (Sant. 1:4).