Úra “Tata Diosïiri kóntperata ma”

Iáminduechachi tsitisïnga erachiichani jingoni jarhani parachi uinhaperperantani. Joperu no solu jindeesti májku kʼéri jarhani jimboka Biblia uandasïnga eska Tata Diosïiri kóntperata máeska uinhaperaantani máteruechani (Rom. 1:​11, 12). ¿Amberi uaa úni parari uinhaperaantani máteruechani?

Chiiti uandakuecha jimbo. Pori ejemplu engari komentariuaka, asï xáni uanda ambe engari tʼu eratsejka o ambe engari nitamakuarhika, sánderu sési ambe engari jorhenguarhika Tata Jeobaeri ambe, imeeri marhuariicheeri ka Biblieri. Ka engari erachiichani jingoni uandontskuarheni jauaka, jánguarhinta imeeri ambe uandani enga uinhaperantauaka.

Ambe engari erakujka úni. Pori ejemplu engari ísï tiempu kompletueri marhuakuni jaka Tata Diosïni nájkiruka no fásiliika. O engari nirajka tánguarhikuarhu nájkirukari pʼamenchakua ma kámajka ori kánikua ánchikuarhini.

¿Uinhaperaantasïndi erachiichani chiiti uandakuecha ka úkuecha jingoni? ¿Ka tʼujtu jurajkusïni eskaksïni imeecha uinhaperantaaka?