Na enga xáni no sési pʼikuarherakuarhijka engachi uarhiranchajka nemani

“Sofíaa ióni pʼamenchaspti ka uarhispti. Jukari 39 uéxurhinchi páxapkia temungurhirini. Juchiiti amiguechajtsïni kánikua jarhuataspti ka ji méntkisï úni jarhasïreenga ambe ma. Ma uéxurhini jámaska no sési pʼikuarherani. No nani máru sési pʼikuarherasïreenga. Tanimu uéxurhini ísïistia enga ima uarhika ka ménichani útasï niárasïnga kánikua no sési pʼikuarherani” (Kostas).

Engajtsï uarhiranchaka nemani, jamberijtsï májkueni pʼikuarherajka eska Kostas. Uarhiranchani uámbani o témbani, familiarini ma o ambakiti amiguni ma, jindeesti ambe ma enga kánikua no sési pʼikuastpejka. Artikulu ma enga uéraka rebistarhu The American Journal of Psychiatry, uandasïndi eska “uarhiranchani nemani jindeeska ambe ma enga kánikua no sési pʼikuastpejka ka enga ma no újka sóntku mirikurhini”. Enga nema no sési pʼikuarherani jarhajka jimboka uarhiranchaska nemani, úpirindi eratseni: “¿Asta na jatini jamberi ísï xáni no sési pʼikuarherani jaua? ¿Uaa sési pʼikuarherantani? ¿Amberini uaa sési pʼikuastantani?”.

I rebista ¡Tsínharhi! mókuantaasïndi indeni kurhamarhikuechani. Máteru jorhenguarhikua uandasïndi máru ambe engajtsï jamberi nitamakuarhini jaka enga nótki xáni iónika engajtsï uarhiranchaka nemani. Ka máteru jorhenguarhikuecharhu, exeauakajtsï máteru konsejuechani engaksïni jarhuataaka parajtsï nóteru xáni no sési pʼikuarherania.

Erokuarhisïngachi eska i rebista sési pʼikuastantauaka ka jarhuataani iámindu imeechani engaksï uarhiranchaka nemani.