Sési míti je iámindu ambe

Andisï úkua jukajki

Sáno méntkisï, menusi uásïndiksï kʼuiripuechani jimbokaksï imani ambe mítesïnga enga no ísïka. Por ejemplu:

Nájkiruka no ísïuaka, máru patronichaksï eratsesïndi eskaksï nanakecha no uáka úni ánchikuarhita ambe engaksï jatsiaka para mákina ambe úraani o komputadora ambe.
Uánikua kʼuiripuechaksï no sési ambe uandasïndi imani kʼuiripuecheri ambe engaksï máteru jásï idioma uandajka oksï máteru jásï pʼindekuechani jatsiani.
Uánikua kʼuiripuechaksï ísï eratsesïndi eskaksï imecha engaksï no újka exeni, kurhaani o xanharani, kómuksï irekasïnga ka nóksï sáni tsípikuarhini.

Uánikua kʼuiripuechaksï ini ambe jupindaskuarhisïndi paraksï uandani eska ísïska ambe engaksï eratsejka, ka seguruksï jarhasti eskaksï imecha engaksï ménderueni eratsejka nóksï ambe ma míteska.

Bibliaeri karakata

“No sési jarhasti eska kʼuiripu ma no jatsiaka mímixekua” (PROVERBIOS 19:2).

¿Ambe arhikuekasïni? Engachi no iámindu ambe sési míteaka, imani ambechi uáka enga no sési jauaka. Engachi jakajkuska ambe engajtsïni máteruecha aianguaka ka no imani ambe enga meru úkuarhika, ísku jatinchi no sési ambe uandaaka máteruecheri ambe.

¿Bibliajtsïni jorhendasïni menusi újpini?

Máruksï uandasïndi eska Biblia jorhentpisïnga para menusi újperanhani. Peru, ¿ambemindusï uandajki Biblia?

Iáminduechachi májkueni kueraanhaska. ‘Ma kʼuiripu jingontku [Tata Diosï] sïrukuani kueraasti, paraksï irekani ma parhakpini’ (Ukuecha 17:26, TDU).
Tata Diosï no nema jingoni sánderu kʼuetsapesïndi. Tata “Diosï no nani kʼuetsapesïn[di], sino eska jaiapanhentasïnga nakinterku ma nasioni anapu kʼuiripuni enga janhanharhijka imani, ka sési úni” (Ukuecha 10:34, 35).
Tata Diosï imani ambe exesïndi na engachi jásïika ka no na engachi xarharajka. “Kʼuiripu imani ambejkusï exejti ambe enga imeri éskuecha exejka, peru Jeoba, mintsitanisï exejti” (1 Samuel 16:7).a

a Biblia uandasïndi eska Tata Diosï arhinhasïnga Jeoba.

Néna jarhuajpisïni sési míteni ambe ma

Engachi sési míteaska kʼuiripuechani, nóchi jakajkuaka chkuanderakua ambe enga uandanhaaka imecheri ambe. Ka engachi mítejkia eska no ísïska ambe engachi aiangunhaka máru kʼuiripuecheri ambe, jamberichi nóteru jakajkuakia ambe engachi ístu aiangunhaka máteru kʼuiripuecheri ambe.

Ambe enga nitamakuarhipka kʼuiripu ma: Yovitsa (Sureste de Europa)

Yovitsa, engachi antesi uandaka, tʼarhexesti imani ambe kurhaaparini engaksï imeri besinuecha, notisiecha ka telebisionirhu uandenga ima kʼuiripuecheri engaksï namunituepka. Ima uandantasïndi: “Kánikua menusi uásïrenga imani kʼuiripuechani, asta kurhunhiasïrenga. Ka eratsesïrenga eska sési jarhaspka na engani pʼikuarherenga imecha jimbo”.

Ka ístu uandantasïndi: “Joperu engani ejersituru japka, jatsispka parani imecha jingoni jámani engaksï ini mismu grupuru anapuepka. Tiempu jingoni, sánhani arhispka sési míteani. Asta niáraspka imecheri idioma jorhenguarhini ka kurhaani imecheri kústakua ambe. Sési pʼikuarherasïrenga imecha jingoni jarhani ka uénaspka ménderueni eratseni imecheri ambe. Joperuni úpiringa ménderu ísï exeani eska antesi. Jimbosïni no exejka notisia ambe enga no sési ambe uandajka inde kʼuiripuecheri, nijtuni exeajki pelikulechani ni programechani engaksï teresmarhuajka ini kʼuiripuechani. Míteska eska menusi újpini, úsïnga eska ma niáraka ikiakuani ka kurhunhiani kʼuiripuechani”.

Ambe engajtsï uáka úni

Asï májkueni eratsi je iáminduecheri ambe. Na enga jásïika grupuru anapu ma kʼuiripu no arhikuekasïndi eskaksï iámindu májkueni jásïiska.
Jiókuarhi je eskajtsï no iámindu ambe míteska máteruecheri ambe.
Imani ambe úra je enga mintsinharhikueka parajtsï míteni ambe ma.