Jeriko anapu bardecha

¿AMBE úxaki eskaksï Jeriko anapu bardecha kuarhatseaka? Ísï xarharasïndi enajki bomba ma andatsera. Peru imani jurhiatikuechani jimbo, nóksï jarhaspti bombecha, ni bomba kʼuanikutarakuecha. ¡I jindesti máteru milagru enga Jeoba úka! Ju exeni néna úkuarhiski i ambe.

Kurhaa ambe enga Jeoba arhijka Josueni: ‘Tʼu ka chíti sondaduecha uanota je iretani. Uanotakajtsï iretani ma uelta ma jurhiatikua, seisi jurhiatikua ísïjtsï uáka. Paakajtsï arka pakatperakuerini. Sieti saserdotichaksï niuati arkarhu orhepatini ka kústapaatiksï sïuanguechani.

’Septimu jurhiatikua jimbo, sieti ueltajtsï uanotaaka iretani. Jiájkani, engajtsï kústauaka sïuanguechani sánderujtsï iójtsïtaaka, ka iámindu ísïjtsï uinhachaaka enajkijtsï uarhiperani jaki. ¡Ka bardechaksï kuarhatseati!’

Josue ka iámindu ireta, úsïndiksï ambe enga Jeoba arhiajka. Engaksï uanotani jarhajka iretani, iáminduechaksï pínasku nirasïndi. Sïuanguecheri kústakuajku kurhakuarhesïndi ka nani engaksï atastapani jarhajka. Jeriko anapuecha kánikuaksï chéjti. ¿Úsïniri exeni inde sïndari charhapitini enga bentanarhu tirhipakuarhetini jaka? ¿Nériski inde bentana? Jo, Raabi ústi ambe engaksï arhipka tsimani achaticha engaksï nípka echerini exeni. Iámu imeri familia imani jingonksï jarhasti incharini, exexatiksï ambe enga úkuarhini jaka.

Septimu jurhiatikua jimbo, engaksï ícha na uanotapkia iretani sieti uelta, kústasïndiksï sïuanguechani ka sondaduechaksï uinhachasïndi ka bardechaksï kuarhatsesïndi. Josue uandasïndi: ‘Uándikua je iáminduechani ka kurhira je iretani iámu ambe jingoni. Peru asï kurhira je platani, oruni, kobreni ka tiámuni, indejtuksï jindeuati para tabernakulurhu anapu tesoru’.

Josue arhiasïndi imani tsimani achatichani engaksï nípka echerini exeni: ‘Peta je Raabini imeri kʼumanchikuarhu uératini ka iámindu imeri familiani’. Íksï tsípiti pakarasïndi, ísï eskaksï na aiakuapka ima tsimani achaticha engaksï nípka echerini exeni.